________________
leerdere er RRRRRRRRRRRRRR
સતાને કલંક ભાગ-૬
આત્મકલ્યાણ એ જ જીવનધ્યેય ‘આત્મકલ્યાણ એજ જીવનધ્યેય અને શ્રી જૈનશાસન એ જ એ ધ્યેયને પ્રાપ્ત કરવાનું એક માત્ર સાધન' - આટલો નિશ્ચય જો નિરાબાધપણે યથાર્થ સ્વરૂપમાં થઈ જાય, તો વસ્તુને વસ્તુગતે પિછાનવી અને તેના જીવનમાં અમલ થવો, એ સહેલું થઈ જાય. આજે જીવનના ધ્યેયનું ઠેકાણું નથી. કારણકે શ્રદ્ધાનું ઠેકાણું નથી. શ્રદ્ધાસંપન્ન સમજુ આત્માઓ, બહુ જ થોડા અને પરભાવમાં મૂંઝાઈ રહેલા આત્માઓ પાર વિનાના - આવી સ્થિતિ તો અનન્તકાળથી ચાલી આવી છે અને અનન્તકાળ રહેવાની જ છે. એટલે આપણે આપણા આત્માને કઈ કક્ષામાં મૂકવો છે, એ જ ખાસ વિચારવા જેવું છે.
અમુક આત્માએ રાજપાટ છોડી દીધું, પાર વિનાના ભોગસુખોને લાત મારી દીધી અને કેવળ આત્મકલ્યાણ માટે સંયમનો સ્વીકાર કરી, તે મહાત્મા સંયમ પાલનમાં સુસ્થિર બન્યા - એવા એવા વૃત્તાન્તોને વાંચતા કે સાંભળતા રોમાંચ થવો જોઈએ. એના વિચારમાં એવા પુણ્યાત્માઓને હાથ જોડાઈ જવા જોઈએ. ‘આપણાથી નથી થતું. આપણું શું થશે ?' એવું દુઃખ થવું જોઈએ. આત્મકલ્યાણની સાચી અભિલાષા સહજ રીતે, આ બધા ભાવો ઉત્પન્ન કરી દે છે. આત્મકલ્યાણની સાચી અભિલાષા પ્રગટે તે પછી સંસારત્યાગ ન થાય એ બને, પણ સંસાર પ્રત્યે ઉદાસીનતા જરૂર આવી જાય : કારણકે, આત્મકલ્યાણની સાચી અભિલાષા જ તે કહેવાય, કે જે સંસારથી મુક્ત બનવાના સ્વરૂપની હોય.
વૈરાગ્ય સામે આક્રમણ કેમ? આત્મકલ્યાણની વાતો તો ઘણા કરે છે, પણ આત્મકલ્યાણની સાચી અભિલાષા ઘણા થોડાઓમાં જ પ્રગટેલી જોવાય છે. અને એથી જ જૈન સમાજમાં આજે વૈરાગ્ય સામે આક્રમણ છે, આત્મકલ્યાણની સાચી અભિલાષા હોય, ત્યાં વૈરાગ્યનો સત્કાર હોય કે વૈરાગ્યનો તિરસ્કાર હોય? આજે તો કેટલાક પામરો કહે છે કે અમુક મહારાજ બહુ ખરાબ છે, કેમકે, કેવળ વૈરાગ્યની વાતો કરે છે. આવું બોલનારાઓ કેટલા બધા દયાપાત્ર છે ? જૈનકુળમાં જન્મ પામવા
