________________
આ તો લોકોએ ઉપજાવી કાઢેલો આરોપ છે. લોકોએ પહેલા નક્કી કરી લીધું કે શ્રી રાવણ જેવા શ્રી રાવણે સીતાને ન ભોગવી હોય એ સંભવિત નથી, એટલે શ્રીમતી સીતાને કોઈ પણ રીતે સતી મનાય નહિ !” લોકના આ નિર્ણયમાં શ્રી રામચન્દ્રજીનું વર્તન આડે આવવા લાગ્યું કારણકે, શ્રી રામચન્દ્રજી ન્યાયપરાયણ તથા વિચક્ષણ આદિ તરીકે વિખ્યાત હતા અને તેઓ તો શ્રીમતી સીતાજીને મહાસતી જ માનતા હતા. આથી પરદોષ-રસિક એવા લોકોએ તેનો પણ ઉપાય શોધ્યો અને શ્રી રામચન્દ્રજીને એવા રાગાન્ધ ઠરાવ્યા, કે જે રાગાંધતાના યોગે તેમને શ્રીમતી સીતાજીનો દોષ પણ દોષ રૂપે દેખાય જ નહિ ! આમ લોકોએ એક મહાસતીને અસતી ઠરાવીને અને એક સુવિવેકી આત્માને રાગાન્ધ ઠરાવીને, બંનેની નિદા કરવા માંડી, છૂપી રીતે અયોધ્યાનગરીમાં ફરી રહેલા શ્રી રામચન્દ્રજીએ આ વાત કાનોકાન સાંભળી. આજના દીક્ષાવિરોધીઓને સુસાધુ સંસ્થા જ જોઈતી નથી
ખરેખર, આ પ્રસંગ આજના દીક્ષા પ્રકરણની સાથે ખૂબ જ બંધ બેસતો છે.
સભા : એ કેવી રીતે ?
પૂજ્યશ્રી: એનો કાંઈક ખ્યાલ આપવાને માટે તો આ વાત ઉચ્ચારાઈ છે. આજના વિરોધીઓને મૂળ તો શાસ્ત્ર ચક્ષુવાળી સાધુસંસ્થા જ પસંદ નથી. શ્રી જિનાજ્ઞાનો શક્ય અમલ કરવામાં તત્પર અને શ્રી જિનાજ્ઞા પ્રત્યેની સુશ્રદ્ધા આદિની પ્રચારક સાધુસંસ્થા તરફ જ તેઓને સૂગ છે, તેઓ એવી શ્રી જિનાજ્ઞારત સાધુસંસ્થાનું અસ્તિત્વ મીટાવવાને જ ઈચ્છી રહ્યા છે, પણ એ વાત એવી છે કે, જેનો તેઓ સ્પષ્ટ રૂપમાં ઉચ્ચાર કરી શકે નહિ !
સભા કારણ? પૂજ્યશ્રી ઃ કારણ સ્પષ્ટ છે. તેઓ જો આજ્ઞારત સાધુસંસ્થાનું અસ્તિત્વ નથી જોઈતું એમ બોલે, તો આજના ઘણે અંશે અવદશાને પામેલા પણ જૈનસંઘમાંથી તેઓ પોતાનું સ્થાન ગુમાવી બેસે. તેઓને
...... ૨૮મ-સીતાની જિદ્દ અને આજ હાલત...૯
இல் இரு இதில் இஇஇஇஇஇ
૧૯૯
