________________
૧૬૬
...સીતાને કલંક....ભાગ-૬
પણ તેથી શું ? શ્રીમતી સીતાજીની સંમતિથી કે બલાત્કારથી પણ શ્રી રાવણે તેમને ભોગથી દૂષિત તો બનાવેલા જ; કારણકે શ્રીમતી સીતાજી સાથેના ભોગનો અતિશય અભિલાષી, પરસ્ત્રીલંપટ એવો શ્રી રાવણ એક તરફ અને બીજી તરફ શ્રીમતી સીતાજી એકલા જ તેમજ ઘણો કાળ શ્રીમતી સીતાજીને તેના જ તાબામાં વસવાનું થયું. આ સંયોગોમાં શ્રીમતી સીતાજી ગમે તેટલા શુદ્ધ મનવાળા હોય, તો શ્રી રાવણ તેમને દૂષિત ન કરે એ કોઈપણ રીતે બનવાજોગ નથી. બલાત્કારે પણ શ્રી રાવણ શ્રીમતી સીતાજીને દૂષિત ન જ બનાવી
શકત.
બલાત્કારે પણ શ્રી રાવણ શ્રીમતી સીતાજીને દૂષિત ન જ બનાવી શકે
એક તદ્દન બનાવટી પણ શ્રીમતી સીતાજી માટેના અપવાદને સાચો ઠરાવવાને માટે, જુઓ કે શ્રીમતી સીતાજીના હરણ અને લંકામાંના વસવાટને કેવાં રૂપમાં રજૂ કરવામાં આવે છે
સભા : શ્રી રાવણને તો એવો નિયમ હતો ને કે કોઈ પણ પરસ્ત્રીને તેની ઇચ્છા વિરુદ્ધ ભોગવવી નહિ ? માટે તો શ્રીમતી સીતાજી ઉપર શ્રી રાવણે બલાત્કાર કર્યો નથી અને શ્રીમતી સીતાજી સર્વથા નિર્દોષ રહીને જ પાછાં ફરી શકયાં છે. શ્રી રાવણને જો એવો નિયમ ન હોત, અગર તો શ્રી રાવણ પોતાના તે નિયમના પાલનમાં સજ્જ ન હોત તો શું પરિણામ આવત એ જ્ઞાની જાણે.
સભા : શ્રીમતી સીતાજી આપઘાત કરત ?
પૂજ્યશ્રી : એ ય શક્ય છે, પણ શું થાત એ આપણે નિશ્ચિતપણે કેમ કહી શકીએ ? શ્રી રાવણે જો બલાત્કાર કર્યો હોત, તેવો પ્રયત્ન કર્યો હોત, તો ક્દાચ શીલના માહાત્મ્યથી કાંઈક અવનવું જ બન્યું હોત ! એ ગમે તે થાત, પણ શ્રી રાવણ બલાત્કારે પણ શ્રીમતી સીતાજીને ભોગદૂષિત તો બનાવી શક્ત જ નહિ મહાસતીઓ પ્રાણના સાટે પણ શીલની જ રક્ષા કરે.
