________________
...ભાગ-૫
.શયાળી અયોધ્યા
* હોય છે. આવું માનનારા અમે, ક્રાન્તિના વિરોધી કેમ હોઈ શકીએ ? અમારો પ્રયત્ન તો સારું પરિવર્તન લાવવાનો જ છે.
કયું પરિવર્તન લાવવું છે? દુનિયાના જીવો વર્તમાનમાં જે દશા ભોગવી રહ્યા છે, તે દુ:ખદ છે અને દુ:ખસર્જક છે. અમે દુ:ખદ અને દુ:ખસર્જક દશા ટાળવાનો ભગવાનનો પેગામ પ્રચારનારા છીએ. અમે તો જનતામાં એવું પરિવર્તન આવેલું જોવાને ઇચ્છીએ છીએ કે દુનિયાના માનવી માત્રની દિશા જ પલટાઈ જાય. સંસારમાં રાચતો અને સંસારને વધારતો આત્મા સંસારનાં બંધનોને તોડતો અને મોક્ષની નિકટ પહોંચતો બની જાય, એ અમારો મનોરથ છે. અમે તો એવું પરિવર્તન લાવવા ઈચ્છીએ છીએ, કે જે પરિવર્તન મનુષ્યોને દુઃખથી બચાવી સુખમય સ્થિતિએ પહોંચાડે તેમજ મનુષ્ય સિવાયના બીજા જીવો આજે મનુષ્યો તરફથી જે મહોત્રાસ ભોગવી રહ્યા છે તે જીવોનો પણ તે મહાત્રાસ મટી જાય ! અર્થ અને કામ તરફ ઘસડાઈ રહેલા આત્માઓ ધર્મ અને મોક્ષ તરફ વળે, એવું જબ્બર પરિવર્તન લાવવાનો શ્રી જૈનશાસનના સાચા ઉપાસકોનો પ્રયત્ન હોય છે.
પરિવર્તનના પરમ હિમાયતી દુનિયાદારીનાં સુખોમાં રાચતી અને એ સુખો મેળવવા માટે રાતદિવસ સ્વયં દુઃખી બની બીજાઓને દુ:ખી કરતી દુનિયાને, દુનિયાદારીનાં સુખોની ઇચ્છાથી પણ છોડાવી દેવા જેવું પરિવર્તન લાવવામાં અને વિશ્વકલ્યાણ માનીએ છીએ. આ પરિવર્તનના અમે ઉપાસક છીએ અને એથી જ અમે કહીએ છીએ કે ‘શ્રી જૈનશાસનના સાચા આરાઘક જેવું બીજું કોઈ જ ક્રાન્તિવાદી નથી.' અને એથી જ “અમે જેવા અને જેટલા પરિવર્તનના હિમાયતી છીએ, તેવા ઉંચા અને તેટલાં જબ્બર પરિવર્તનનું હિમાયતી વસ્તુતઃ બીજું કોઈ જ નથી.' આવું પ્રત્યેક સાચો જૈન કહી શકે છે.
સુપરિવર્તત થયા વિના કલ્યાણ નથી આમ છતાં પણ અમને ક્રાન્તિના વિરોધી કહેવામાં આવે છે.
