Page Text
________________
દેશયાળ અયોધ્યભ૮-૫
વિધુર થઈ ગયા હતા અને સ્થિર યોગિનીની જેમ શ્રીમતી સીતાજી રામનું જ ધ્યાન કરતાં બેઠા હતા. તેમણે પહેરેલા વસ્ત્રો પણ મલિન થઈ ગયા હતા અને તેમની દશા જોતા જ એમ લાગતું હતું કે આ મહાસતી અત્યારે પોતાના શરીરને વિષે પણ નિ:સ્પૃહ છે.
આ હાલત શ્રીહનુમાને જઈને શ્રીરામચન્દ્રજીને જણાવી હતી અને અત્યારે શ્રીરામચન્દ્રજીએ પોતે પણ તેવી જ હાલતમાં શ્રીમતી સીતાજીને જોયા. જોતાંની સાથે જ શ્રીમતી સીતાજીને શ્રીરામચન્દ્રજીએ ઉઠાવી લીધાં અને પોતાના બીજા જીવિતની જેમ પોતાના ખોળામાં શ્રીમતી સીતાજીને બેસાડ્યા. શ્રીરામચન્દ્રજી શ્રીમતી સીતાજીને પોતાનું જીવિત માનવા લાગ્યા. આ વખતે પ્રમોદને પામેલા સિદ્ધગાંધર્વાદિ દેવોએ આકાશમાં ‘આ મહાસતી સીતા જય પામો એવો હર્ષનાદ કર્યો.
આ પછી પોતાનાં ધારાબદ્ધ વહેલા અશ્રુઓથી જાણે $ શ્રીમતી સીતાજીના ચરણોને પખાળતા હોય તેમ શ્રી લક્ષ્મણજીએ
આનંદપૂર્વક સીતાજીને નમસ્કાર કર્યા. આથી ‘મારી આશિષથી તમે ચિરકાળ જીવો, ચિરકાળ આનંદ પામો અને ચિરકાળ જય પામો' એમ બોલતા શ્રીમતી સીતાજીએ શ્રી લક્ષ્મણજીના મસ્તકને સૂંધ્યું. આવી રીતે મસ્તકને સુંઘવું એ વાત્સલ્યદર્શક ચિન્હ છે. વાત્સલ્યનો ભાવ ઉભરાય ત્યારે એમ સ્વાભાવિક બને. શ્રી લક્ષ્મણજીએ નમસ્કાર કર્યા બાદ, શ્રીમતી સીતાજીના ભાઈ ભામંડલે સીતાજીને નમસ્કાર કર્યા; એટલે ભામંડલને પણ મુનિવાક્યની જેમ નિષ્ફળ નહિ નિવડનારી આશિષ દઈને શ્રીમતી સીતાજીએ આનંદ પમાડ્યો. આ પછી સુગ્રીવે, શ્રી બિભીષણે, શ્રી હનુમાન અને અંગદે તેમજ બીજાઓએ પણ પોતપોતાનું નામ જણાવવાપૂર્વક નમસ્કાર કર્યા. ઘણે લાંબે વખતે શ્રીરામચન્દ્રજી અને શ્રીમતી સીતાજી મળે એટલે આનંદની કમીના હોય ? સીતાજીના આનંદનો પણ સુમાર નથી અહીં કહે છે કે શ્રીમતી સીતાજી ઘણે લાંબે વખતે પોતાના પતિના દર્શનથી પૂર્ણચંદ્રથી વિકસિત પોયણીની જેમ શોભવા લાગ્યાં.
પ્રભુપૂજામાં ઊંચામાં ઊંચી વસ્તુઓ રાખવી જોઈએ હવે શ્રીમતી સીતાજીની સાથે શ્રી રામચંદ્રજી ભવનાલંકાર
| SR No. | 022832 |
| Book Title | Jain Ramayan Part 05 |
| Original Sutra Author | N/A |
| Author | Ramchandrasuri, Shreyansprabhsuri |
| Publisher | Smrutimandir Prakashan |
| Publication Year | 2011 |
| Total Pages | 346 |
| Language | Gujarati |
| Classification | Book_Gujarati |
| File Size | 13 MB |