________________
ઉપકારી મહાપુરૂષોએ માર્ગ દર્શાવ્યો છે. આમ વસ્તુને ઊંડા ઉતરીને જેમ જેમ વિચારાય, તેમ તેમ ખ્યાલ આવે કે, અનંતજ્ઞાની સિવાય બીજા આત્માઓ સ્વતંત્રપણે આ માર્ગ દર્શાવી શકે એ શક્ય જ નથી તેમજ એ વાત પણ સમજાય કે ધર્મની આરાધના કરવાની ઇચ્છાવાળો કોઇ આત્મા આરાધનાથી વંચિત ન રહી જાય, એવી સુંદર રીતે મોક્ષમાર્ગ એ તારકોએ દર્શાવ્યો, માટે એ તારકોનો આ જગત ઉપર અનંતો ઉપકાર છે !
પરચિંતાથી દૂર રહી આત્મચિંતામાં જોડાઈ જાઓ ! મૃગનું તિર્યંચપણું એક તરફ રાખો અને બીજી તરફ મૃગની પ્રવૃત્તિ મૂકો, પછી તમારૂં મનુષ્યપણું અને તમારી પ્રવૃત્તિ વિચારો ! સભા : તો તો એમ જ થાય કે ક્યાં એ પુણ્યાત્મા અને કયાં અમારા જેવા અધમ આત્મા !
પૂજ્યશ્રી : આ શબ્દો પણ ઉત્સાહપ્રેરક બનવા જોઇએ. એમ થવું જોઇએ કે મને જે સામગ્રી મળી છે તે તેને નહિ મળેલી હોવા છતાં પણ, તે આટલું કરે અને હું કાંઇ ન કરૂં ? ધર્મની આરાધના થઇ શકે એવી સામગ્રીવાળું આર્યદેશમાં મને મનુષ્યપણું મળ્યું, અને તે મૃગને તિર્યંચપણું મળ્યું, એટલે હું તેના કરતાં વધારે ભાગ્યશાળી તો ખરો, પણ ... પણ શું તે સમજ્યાને ?
સભાઃ પણ ખરૂં જોતાં તે મહાભાગ્યશાળી નિવડ્યો અને હું મહા કમનશીબ નિવડ્યો !
પૂજ્યશ્રી : આમ લાગતું હોય તેણે હવે જીંદગીના બાકીના સમયમાં પરચિંતાથી અને દુનિયાદારીના પ્રયત્નથી છૂટા થવામાં તેમજ આત્મચિંતામય બની ધર્મપ્રયત્ન કરવામાં પોતાની સામગ્રીને યોજી દેવી જોઇએ.
સભાઃ ઉલ્લાસ નથી આવતો.
પૂજ્યશ્રી : તેવો ઉલ્લાસ ઉત્પન્ન ન થતો હોય તો તેવો ઉલ્લાસ ઉત્પન્ન થાય એવો પ્રયત્ન કર્યા કરો અને તમારી આજુબાજુ
શ્રી બલભદ્ર મહર્ષિ, ૨૦કાર અને મૃગ...૮
૧૬૯
