________________
‘સમ્યગ્દર્શનની પ્રાપ્તિ એટલે અનંતકાળના એક મહાઅજ્ઞાનનો નાશ' આ હેડીંગ નીચે સુખ-દુ:ખની અપૂર્વ લાગણી અનુભવતા સમ્યગ્દષ્ટિનું સાચુકલું સ્વરુપ જાણવા-માણવા જેવું છે. એ વિષયમાં આગળ-આગળ વર્ણવાતી તાત્વિક વિચારધારા શાસ્ત્રના ગંભીરભાવોને આપણી સમક્ષ સરળ શબ્દોમાં રજૂ કરે છે. અને પ્રશસ્ત ઉદ્વિગ્ન ભાવમાં રમતા ભરતજી ‘બાલદીક્ષિતોની અનુમોદના કરે છે. ' એ વાતના વર્ણનમાં બાલદીક્ષા અપવાદ માર્ગ નથી જ એ મુદ્દાને સ્પષ્ટ કરવા પૂર્વક દીક્ષા બાળદીક્ષાને વિશદ શબ્દોમાં વર્ણવે છે. અને પ્રશસ્ત અપ્રશસ્ત રાગ-દ્વેષની લાભ-નુકશાનકારિતા બતાવીને તો શાસનનું હાર્દ રજૂ કરાયું છે.
અંતે કૈકેયી માતા દ્વારા શ્રીરામચન્દ્રજીને ભરતજીની વિરક્તદશાનો સ્પષ્ટ ખ્યાલ આવવાથી માંડી ઉન્મત્ત ભુવનાલંકાર હાથીનું ભરતજીને જોતાં જ શાંત થવા અંગેના શ્રી કેવળજ્ઞાની મુનિવર પાસેથી સ્પષ્ટીકરણ સુધીમાં અનેક અવરોચિત મહત્ત્વપૂર્વ વાતોથી ભરપૂર આ વિભાગની સમાપ્તિએ ભરતજીની દીક્ષા અને સાધના સિદ્ધિનું વર્ણન કરાયેલું છે.
સદ્ગુરુચરણ સેવાહેવાકી આચાર્ય વિજય શ્રેયાંસપ્રભસૂરિ
દ્વિ.વૈશાખ વદ-૧૧, વિ.સં.૨૦૬૬, સિદ્ધાંતમહોદધિ સ્વ.પરમગુરુવર સ્વર્ગતિથિ.
થરા
