________________
૧૦૬
h-0c30'
*TreePG 300e???))G
ક્ષપકશ્રેણિ માંડનાર કયા કારણસર અટકે ?
સભા : ક્ષપકશ્રેણિ માંડેલો જીવ દર્શનસપ્તક્નો ક્ષય કરીને અટકી જાય, તો તેના અટકી જવાનું કારણ એક જ ને ?
પૂજ્યશ્રી : હા, અને તે એ જ કે ક્ષપકશ્રેણિ માંડતા પૂર્વે આયુષ્યનો બંધ પડી ગયો હોય. આયુષ્યકર્મનો બંધ ન પડી ગયો હોય તો તે ક્ષપકશ્રેણિ માંડી દર્શનસપ્તક્નો ક્ષય કરી ચૂકેલા આત્માઓ અન્તર્મુહૂર્તમાં નિયમા કેવળજ્ઞાન પામી જાય.
ક્ષપકશ્રેણિ માંડનારા અગીયારમે ગુણસ્થાનકે જતા જ નથી
સભા : ક્ષપકશ્રેણી માંડી અગીયારમાં ગુણસ્થાનકે જઈને કેટલાક આત્માઓ પાછા પડે છે ને ?
પૂજ્યશ્રી : જે આત્માઓ ક્ષપશ્રેણિ માંડે છે, તે આત્માઓ અગીયારમાં ગુણસ્થાનકે જતા જ નથી અને બીજા જે આત્માઓ અગીયારમાં ગુણસ્થાનકે જાય છે, તે આત્માઓ પાછા પડ્યા વિના રહેતા જ નથી. અગીયારમું ગુણસ્થાનક એવું નિયત છે કે અગીયારમાં ગુણસ્થાનકે જે જે આત્માઓ જાય તે આત્માઓ એટલે સુધી પહોંચીને નિયમા પાછા પડે જ; પણ જે જે આત્માઓ ક્ષપકશ્રેણિ માંડે, તે તે આત્માઓ અગીયારમાં ગુણસ્થાનકે જાય જ નહિ. ક્ષપકશ્રેણિ માંડનારા આત્માઓ સાતમે, આઠમે, નવમે અને દશમે જઈ, દશમાના અંતે રાગદ્વેષથી સર્વથા રહિત થઈ જાય છે; તે આત્માઓ ત્યાંથી અગીયારમે નહિ જ્યાં સીધા બારમે જ જાય છે અને બારમાના અંતે બાકી રહેલ ત્રણે ઘાતીકર્મોને પણ સર્વથા ખપાવે છે અને એમ ચારેય ઘાતીકર્મો સર્વથા ખપે ત્યારે જ કેવળજ્ઞાન થાય.
સભા : કેવળજ્ઞાની તેરમાં ગુણસ્થાનકે જ હોય ?
પૂજ્યશ્રી : મોક્ષ પામતા પહેલાં પાંચ સ્વાક્ષરો જેટલો સમય કેવળજ્ઞાની આત્મા ચૌદમાં ગુણસ્થાનકે અયોગી દશામાં રહે છે. તે પહેલાં તે ઘાતીકર્મોનો સર્વથા ક્ષય કર્યા પછીથી, આત્મા વચ્ચે જેટલો કાળ આ સંસારમાં રહે તેટલો કાળ તેરમાં ગુણસ્થાનકે જ રહે.
રાગદ્વેષથી સર્વથા રહિત થયેલા ફરી રાગદ્વેષી બનતા જ નથી સભા : તો પછી અગીયારમાં ગુણસ્થાનકે કયા આત્માઓ આવે ને પડે ?
