________________
આપ્તમંત્રીની સાથે વિચાર શુભ પરિણામવાળો નિવડે છે. અર્થાત્ તમે ૯ હવે આપ્ત મંત્રી રહી નથી અને એથી તમારી સાથે વિચાર કરવાથી શુભને બદલે અશુભ પરિણામ આવે. માટે હવે તમે તમારી સાથે મંત્રણા કરવાની યોગ્યતાને ગુમાવી બેઠા છો !"
શ્રી બિભીષણે તદ્દન વ્યાજબી, સાચી અને હિતકારી સલાહ આપી છતાં પણ ઈન્દ્રન્તિ એના ઉત્તરમાં શું કહ્યું તે જોયું ને ? સાચી, સારી ને હિતકર સલાહ છતાં કાકા તરફ ભત્રીજાને આટલો બધો ક્રોધ કેમ આવ્યો? કારણકે અત્યારે તે ભાન ભૂલ્યો છે અને ભાનભૂલા બનેલાઓ સાચી અને હિતકારી વાત કહેનાર સામેય ભાંડચેષ્ટા કરે તો નવાઈ નહિ. આ રીતે શાસનની સારી, સાચી અને હિતકારી વાતોથી, શાસનના દુશ્મનો ઉન્મત્ત બની ગમે તેવી ભાંડચેષ્ટા કરે તો ય શાસનના સાચા સેવકે મૂંઝાવાનું ન હોય.
ઉન્માર્ગગામીઓ કાંઈ ન ચાલે એટલે જુઠ્ઠો આરોપ મૂકે
ઘરના કલહ માત્રથી ડરીને અવસરે યોગ્ય સલાહ નહિ આપનારા પ્રસંગે પોતાના સ્નેહીજનોને નહિ ચેતવનારા જેવા નિમકહરામ | જ બીજા કોણ છે? રુચે કે ન રુચે, પણ અવસરે સ્વપરના હિતને ધ્યાનમાં રાખી ચેતવણી આપવી જોઈએ. એ ચેતવણી સામાને ફળે કે ન ફળે પણ હિતબુદ્ધિથી ચેતવણી આપનારાને તો લાભ જ થાય છે. અહીં ચેતવણી આપતાં શ્રી બિભીષણને કેટલું સાંભળવાનું થયું ? આવેશમાં આવી ગયેલો ઈન્દ્રજિત પોતાના કાકા ઉપર આ રીતે આક્રોશ કરે છે અને ખોટા આરોપ મૂકતો જાય છે. ખરેખર તમાલાઓનાં અને ઉન્મત્તોનાં લક્ષણો જ એ છે. મૃષાભાષીઓ, ઉન્માર્ગગામીઓ, દુરાચારીઓને અંતે એમજ કરવું પડે છે. કાંઈ ન ચાલે ત્યારે બીજા ઉપર જુઠ્ઠા પણ આરોપ મૂક્યા વિના એ રહે જ નહિ. છતાં સત્યવાદી માર્ગસ્થો એની દરકાર કરતાં નથી અને એથી ડરી જઈને પોતાનું જે શુભ કાર્ય છે તેને ત્યજી દેતાં નથી એ પણ યાદ રાખવાની જરૂર છે.
બિભીષણ એક સાચો સ્નેહી..૨
