________________
....લંક વિજય.. ભાગ-૪
વ્યાખ્યાનાદિનું શ્રવણ ઘણીવાર કર્યું હોય તેમજ વ્યાખ્યાન સિવાયના સમયે પણ ઘણું સાંભળ્યું હોય, એટલે તે જાણી જ ચૂક્યો હોય કે, ‘સંયમ-દીક્ષા લઈને, તેનું આજ્ઞા મુજબ જીવનના અંત સુધી પાલન કરવું, એ સહેલું નથી. એને ખ્યાલ હોય કે, “સંયમજીવનમાં ડરપોક બચે કામ ન ચાલે. કારણકે કોઈ વખત આહાર મળે પણ ખરો અને ન પણ મળે; ઉઘાડે માથે અને ઉઘાડે પગે ગમે તેવી ઠંડીમાં કે ગમે તેવી ગરમીમાં વિહારે ય કરવો પડે; પોતાના સંયમ નિર્વાહના ઉપકરણાદિ પોતે ઉંચકી લેવાં પડે; એ માટે મજૂર રખાય નહિ; લોચ કરવો પડે; ભૂખ-તરસ તથા માનાપમાનાદિ પરિષહો વેઠવા પડે; ઉપસર્ગો આવે તો તે પણ સહેવા પડે અને ભિક્ષા માત્રથી જીવનનિર્વાહ કરવો પડે !' આ વગેરે સાધુના આચારોથી તે અજાણ ન હોય. અને એવી વાતોથી ય જે અજાણ હોય, તેને તો સાધુનો પરિચિત વસ્તુત: કહેવાય પણ કેમ?
અત્યારે સાધુના પરિચિત સંબંધી વાત ચાલે છે, તો વિચારો કે સાધુનો પરિચિત શું આ બધાથી અજાણ્યો જ હોય ?
સભા : સાધુનો પરિચિત આટલું તો જાણે જ?
પૂજયશ્રી : હજુ આગળ. સાધુના વ્યાખ્યાનો જેણે વારંવાર સાંભળ્યા હોય, તેણે એવું ન સાંભળ્યું હોય અગર ન જાણ્યું હોય કે જે પુણ્યાત્માઓ આરંભાદિનો ત્યાગ કરીને આજ્ઞાપાલનમાં રક્ત રહે છે, A તેમનું આ ભવમાં તેમજ પરભવમાં પણ પરમકલ્યાણ થાય છે ?
સભા એ ય જાણે.
પૂજયશ્રી : વળી તે પરિચિતે એવું જાણ્યું અગર સાંભળ્યું ન હોય કે, ‘આરાધેલી જિનાજ્ઞા મોક્ષફળને દેનારી થાય છે અને વિરાધેલી N જિનાજ્ઞા સંસારદુ:ખનું કારણ બને છે ?
સભા એવું ય સાંભળ્યું હોય.
પૂજયશ્રી : ત્યારે શું એમ ન જાણ્યું હોય અગર તો એમ ન સાંભળ્યું હોય કે, “સંયમ નહિ લેનારા કરતાં સંયમ લઈને અસંયમ સેવનારો વધારે પાપમાં ડુબે છે ?
