________________
...લંકા વિજય... ભાગ-૪
વસ્તુ પમાય તો જીવન ફરી જાય અને તે એ કે શ્રી જિનેશ્વરદેવોએ ફરમાવેલાં તત્ત્વો ઉપરની વાસ્તવિક રૂચિ ! મુનિનો જીવ દેવ થયો છે, પણ ધર્મનું ફળ માગીને દેવ નથી થયો. મુનિપણું વેચીને જો દેવપણું માગ્યું હોત તો કદાચ દેવ થયો હોત પણ એની આ દશા ન હોત. આ તો દેવ થયો છે છતાં વૈરાગ્ય જીવતો જાગતો છે. પશ્ચિમ મુનિના જીવે ફળ માગ્યું એથી રાજા તો થયો, પણ અત્યારે ધર્મ ભૂલી ગયો છે ને ? તમને મનુષ્યપણું અને તેની સાથે આ બધી સામગ્રી મળી છે, તે માંગી મળી છે કે કઈ રીતે મળી છે? તે વિચારી જુઓ. આપણે પોતે કોણ છીએ? તે પરખવાનો પ્રયત્ન કરવા જેવો છે. પોતાની મનોવૃત્તિનો પોતાની જાતે અવશ્ય તપાસવી જોઈએ.
સભા : દેવ આવ્યો તે તેના ઉપર ઉપકાર હતો કે સ્વાભાવિક આવ્યો ?
પૂજયશ્રી : આપણે જોઈ ગયા કે પૂર્વભવમાં આ દેવ અને રતિવર્ધન રાજા, એ બે ગૃહસ્થપણામાં ભાઈ હતા. વળી બંનેએ સાથે | સંયમ લીધુ હતું એટલે મુનિ તરીકે બંને ગુરુભાઈ હતા. અહીં ચરિત્રકાર પરમષિએ ‘ભાતૃસૌહદ' કારણ જણાવેલ છે. શ્રાવક શ્રાવકનો સાધર્મિક, તેમ મુનિ મુનિનો સાધમિક. આમ સૌહદ ઘણું હતું. આવું સૌહદ તમે પણ કેળવો. આવું સૌહદ કેળવશો તો ભવાંતરે પણ તમને ટોકનાર ચેતવનાર મળશે. પણ એવી રીતે ટોકવા આવનારનું અપમાન નહિ કરવાની તેમને ખાસ ભલામણ છે.
ધર્મના બહુમાનદર્શક પાંચ લિંગો જે આત્મા ધર્મ કે ધર્મીનું અપમાન કરે છે અથવા તો છતી શક્તિએ ધર્મ કે ધર્મનું અપમાન થતું રોકવાની ફરજ બજાવતો નથી, તે આત્મા ધર્મી તો નથી જ. ધર્મી તે કે જે ધર્મ તથા ધર્મનું અપમાન જાતે કરે નહિ, બીજો કોઈ અપમાન કરતો હોય અને પોતામાં તાકાત હોય તો તેનો પ્રતિકાર ખરે અને તેવી શક્તિ ન હોય તો ત્યાંથી દૂર ખસે, પણ
