________________
‘કુ નો ત્યાગ અને સુ' નો સ્વીકાર કરો ! ૯ મુનિનો ધર્મ સમજવો એ સહેલું નથી. મુનિનો ધર્મ શો?' એ જાણવું હોય તો તમારે પહેલાં ધર્મી બનવું પડશે, પુદ્ગલના રાગી મટી આત્માના રાગી બનવું પડશે. અર્થાત્ પુદગલસંગથી આત્માને સર્વથા મુક્ત બનાવી દેવાનો જ નિર્ણય કરવો પડશે. તમે શ્રી જિનશાસનના બનો, તો મુનિથી શું થાય અને શું ન થાય, એ સમક્તા વાર ન લાગે. આજે તો કહેશે કે ‘કહો તો કોઈને ય ન માનીએ અને કહો તો બધાને માનીએ ! જ્યારે ઉપકારી જ્ઞાનીઓ ફરમાવે કે માનવાના ખરા, પણ તે બધાને નહિ. ‘કુ નો ત્યાગ કરવાનો અને સુ' નો સ્વીકાર કરવાનો. એ વગર મહેનતે થાય ? સંસારના વ્યાપાર-રોજગારમાં મસ્ત બની રહેવાથી થાય ? તમને ફુરસદ કેટલી ? ભગવાનની પૂજા કરવા જાય ત્યાં પણ કાંડે ઘડિયાળ બાંધેલી હોય. એના તરફ જોયા કરે અને વ્યાખ્યાન સાંભળવા આવે તો ય એ દશા ! પુણ્યશાલી છો કે કુદરતી આવા સંયોગો તમને મળી ગયા છે. બાકી તમને લાગે છે કે તમારામાં ધર્મનું વાસ્તવિક અર્થીપણું છે ? તમે જીંદગીમાં ક્યારે સુસાધુને શોધી ત્યા સર્મપણ ભાવ ધરી, ઉન્માર્ગથી બચવાનો વિચાર કર્યો ? આમને આમ જીંદગી ન ગુમાવો. જીંદગીનો અંત આવી જાય તે પહેલાં શ્રી જિનેશ્વરદેવનું શાસન પામી જવાય અને એકવાર વાસ્તવિક રૂચિ પેદા થઈ જાય એ માટે પ્રયત્ન કરો પણ બેદરકાર ન રહો.
પશ્ચિમ મુનિને મળ્યા એવા ભાઈ મળે તોય કલ્યાણ થઈ જાય. પ્રથમ મુનિનો જીવ, જે દેવતા થયો છે, તેણે પોતાના પૂર્વભવના ભાઈને અને મુનિબંધુને પ્રતિબોધ પમાડવાનો વિચાર કર્યો. તેણે વિચાર્યું કે ‘ભાઈ ભૂલ્યો પણ હજુયે તેને સાચુ સૂઝે તેવો પ્રયત્ન હું કરું!' આવો, વિચાર કરીને તે દેવલોકમાંથી અહીં આવ્યો. કેવો ઉપકારી ? મિત્ર કરો તો આવા કરો ! તમને ગબડતા બચાવે એવા મિત્ર કરો ! તમારા આત્માનું ભલું વાંછે એવા મિત્ર કરો.
સ્વજનોનું મરણ, પાછળનાઓને ચેતવે છે...૮
