________________
૧૩૨
.....લંકા વિજય.... (ભાગ-૪
સંસાર રાગને કાપે અને સંયમ રાગને વધારે તેવો ગ્રન્થ
આજે આ સ્થિતિમાં જેટલી ઉણપ છે, તેટલું નુકસાન થઈ રહ્યું છે. એમ સ્પષ્ટ દેખાય છે. નહિ તો, શ્રી જિજ્ઞેશ્વરદેવને માનનારો વળી વૈરાગ્યનો વૈરી હોય ? પણ આજે એવા ય છે. માત્ર તમારામાં જ છે એમ નહિ, સાધુવેષમાં રહેલાં પણ અમુક એવા છે અને આજે જ્હોને વૈરાગ્યના વૈરી બનાવવાનો તેવાઓ છૂપો ધંધો કરે છે. તેવાઓને તમારે બરાબર ઓળખી લેવા જોઈએ, પણ એ બને કયારે ?
સભા : અમારામાં લાયકાત હોય તો !
પૂજ્યશ્રી : એ જ વાત છે. તમને વૈરાગ્ય ગમતો હોય તો એ બને. ધર્મોપદેશ સાંભળવા આવો ત્યારે વિચાર કરીને આવો કે, ‘હું સંસારનો રાગ કાપવા જાઉં છું અને સંયમનો રાગ વધારવા જાઉં છું. સંસારનો રાગ કપાય, સંયમનો રાગ વધી જાય, સંયમી બનવાનો ઉલ્લાસ તીવ્ર બની જાય, તો તો મારું આ શ્રવણ ખરેખરું સફ્ળ થાય.'
‘શ્રી ત્રિષષ્ટિ-શલાકાપુરુષ-ચરિત્ર, પણ એવો સુંદર કોટિનો ગ્રન્થ છે કે જે સંસાર રાગને કાપે અને સંયમ રાગને વધારે. ‘સાતમા પર્વ-રામાયણ'માં પણ વૈરાગ્ય ભરેલો છે. એ દેવાનો મારે અને લેવાનો તમારે. પરસ્પરની ફરજ તો એ જ છે ને ? મુખ્યત્વે હવે મોક્ષે અને સ્વર્ગે જ્વારા આત્માઓના પ્રસંગો આવવાના છે.
આપણે જોઈ ગયા કે, શ્રી રાવણ તો નરકે ગયા, પણ હવે પાછળ શું શું થાય છે, તે જોવું પડશે ને ? શ્રી રાવણ ગયા પણ પાછળ રહ્યા તેમણે શું કર્યું ? અને કોણે કેવી આરાધના કરી, તે હવે આવશે. શોકના પ્રસંગે પણ ઉત્તમ આત્માઓ કેવી રીતે વર્તે છે. તે હવે જોવાનું
છે.
વાસુદેવ શ્રી લક્ષ્મણનાં બાણોથી અકળાઈ ગયેલા શ્રી રાવણે, છેલ્લે છેલ્લે અર્ધચક્રીના ચિહ્નરૂપ જાજ્વલ્યમાન ચક્રનું સ્મરણ કર્યું. સ્મરણ કરતાંની સાથે ચક્ર પ્રગટ થયું. રોષથી રક્ત નેત્રોવાળા બનેલા
