________________
७८
g-ycō'
...સીતા-અયહરણ..
વનમાલાનો સંબંધ કર્યો. વનમાલાએ જ્યારે આ ખબર સાંભળી ત્યારે તેને ભારે દુ:ખ થયું. શ્રી લક્ષ્મણજી વિના અન્ય કોઈને તે વરવા ઇચ્છતી નહોતી એટલે તેણે આત્મઘાત કરવાનો નિશ્ચય કર્યો. સુધારાના નામે સંસ્કૃતિનો સંહાર
અહીં વિચારો કે વનમાલામાં કેટલી વિનીતતા છે. જો કે તેની આવી મોહની મૂંઝવણ અને તેના આત્મઘાતના નિશ્ચયની આપણે અનુમોદના કરતા નથી. પરંતુ આજે સ્વતંત્રતાને નામે સ્વચ્છંદતા સેવતી સ્ત્રીઓએ, કુમારિકાઓએ અને એવા સ્વચ્છંદતાને ઉત્તેજતા પુરુષોએ આ વિચારવાની ખાસ જરૂર છે. પોતે શ્રી લક્ષ્મણજીની ગુણસંપત્તિ અને રૂપ સંપત્તિથી આકર્ષાઈ. તેમના સિવાય અન્યને ઇચ્છતી નથી. અને તેના પિતાએ બીજે સંબંધ કર્યો એથી એ મરવા તૈયાર થાય છે. પરંતુ સ્વતંત્રતાને નામે તેના પિતા સામે લડવા તૈયાર થતી નથી. ખરી સ્વતંત્રતા ક્યાં છે ? આજે તો સ્વતંત્રતાના બહાના હેઠળ સ્વચ્છંદતાના સેવનારા અને સેવડાવનારાં મનથી વરેલો પતિ તો દૂર રહ્યો પણ કાયાથી સ્વીકારેલા પતિ પ્રત્યે પણ બેવફા નિવડવામાં સુધારો માની રહ્યાં છે એટલું જ નહિ પરંતુ પૂર્વની સતીઓ જ્યારે મનોનિશ્ચિત પતિ સિવાય અન્યને ઇચ્છતી જ નહિ, ત્યારે આજે જાહેર રીતે સ્વીકારેલા પતિના મૃત્યુ બાદ બીજો પતિ કરવામાં નારીસ્વાતંત્ર્યને સમાજ પ્રગતિ મનાય છે. ખરેખર એવાઓ સુધારાના નામે આર્યસંસ્કૃતિનો સંહાર જ કરનારાઓ છે.
શ્રી લક્ષ્મણજી સિવાય અન્યને નહિ ઇચ્છતી વનમાલાનો ચંદ્રનગરના વૃષભરાજાના પુત્ર સુરેન્દ્રરૂપની સાથે તેના પિતા મહીધર રાજાએ સંબંધ જોડવાથી, આપણે જોઈ ગયા કે તેણે આત્મઘાતનો નિશ્ચય કર્યો અને દૈવયોગે જે રાત્રિએ અને જે ઉદ્યાનમાં શ્રી રામચંદ્રજી આદિનો મુકામ છે, ત્યાં તે જ રાત્રિએ વનમાલા આત્મઘાત કરવા માટે એકલી આવી પહોંચી. ઉદ્યાનમાં પ્રવેશ કરીને તેણે પહેલા વનદેવતાની પૂજા કરી, અને કહ્યું કે, ‘જન્માંતરમાં પણ
