________________
અપહરણ......ભ૮-૩.
કહો, આજે તમારા સંસારની શી દશા છે? મોટાભાઈ અને નાનાભાઈ વચ્ચે કેવો સંબંધ છે ? આજે તો ઠેર-ઠેર મોટા-નાના વચ્ચે હક્કની મારામારી ચાલી રહી છે. સૌ સામા પાસેથી ભલાઈની આશા રાખે છે. પણ પોતાને ભલાઈ આચરવી નથી. મોટો કહેશે કે, હું મોટો છું માટે બાપનું બધું ખાવાનો હક્ક મારો છે. નાનો કહેશે કે ‘હું નાનો છું માટે મોટા ભાઈની ફરજ છે કે, એણે ઘણું અમને આપી દેવું જોઈએ. પણ જો મોટો એમ સમજે કે, ભલે એ ભોગવે, મારો નાનો ભાઈ છે ને ? અને નાનો એમ સમજે કે મારે તો વડિલ ભાઈની આજ્ઞા મુજબ જ વર્તવાનું હોય. તો આમ બને ખરું ? નહિ જ. પણ આજે તો ઉત્તમકુળની સઘળીય મર્યાદાઓ જાણે નષ્ટપ્રાય: થઈ ગઈ છે. અને ધર્મબુદ્ધિનાં તો ઠેકાણાંય નથી. એટલે જ ઠેર ઠેર ભાઈ-ભાઈ વચ્ચે કલેશ ને કંકાસની હોળીઓ સળગી રહી છે.
ઉત્તમ પ્રકારની મર્યાદાઓ કેમ નાશ પામી ? અહીં તમે પહેલાં સાંભળી ગયા છો કે ભાગવતી દીક્ષાના અર્થી શ્રી દશરથ રાજાને રાજ્ય આપતાં આપતાં દિવસો ના દિવસો વહી ગયા, પોતાને રાજ્યનો મોહ હતો એથી નહિ, પરંતુ કોઈ રાજ્યનું લોલુપ નહોતું માટે ! ભરત છેવટે પોતાની ગેરહાજરીમાં પણ રાજ્ય લે, એ માટે શ્રી રામચંદ્રજી વનમાં ચાલી નીકળ્યાં. પતિ સેવાપરાયણ શ્રીમતી સીતાદેવીએ પણ એમ ન જ કહ્યું કે, 'તમને આ રીતે ચાલી જવાનો હક્ક શો છે? અથવા તો ‘મારે સાહાબી ભોગવવી હોય તેનું શું?’ તેઓએ તો એક જ વિચાર્યું કે જ્યાં પતિ ત્યાં હું દુ:ખમાં કે સુખમાં જ્યાં એ ત્યાં હું એમની આજ્ઞા એ જ મારી ઇચ્છા. અને શ્રી રામચંદ્રજીએ વનવાસમાં સાથે આવવાનું નહિ કહેવા છતાં પણ પતિપદનુગામિની સતી શ્રીમતી સીતાજી પણ પાછળથી ચાલી નીકળ્યાં. શ્રી લક્ષ્મણજીએ પણ વડિલ ભાઈ અને ભોજાઈની સેવા જ પસંદ કરી અને સાથે નીકળ્યાં. આ બધું શું સૂચવે છે?
ખરેખર, જે કુટુંબમાં શ્રી જિનેશ્વરદેવનો ધર્મ પરિણમ્યો હોય છે, તે કુટુંબની દશા જ કોઈ જુદી હોય છે. શ્રી જિનેશ્વરદેવનાં શાસન
