________________
રામ ત્યાં અયોધ્યા આ કહેવતનો સાક્ષાત્કાર
‘ઇભકર્ણ'નો સ્વામી ગોકર્ણ નામનો યક્ષ સમ્યગ્દષ્ટિ હોઈ, સુસ્વામી હોવાથી સેવકની ફરિયાદ સાંભળતાંની સાથે ઉકળી ન ઊઠ્યો. પણ પોતાના અવધિજ્ઞાનથી એ ફરિયાદ સાચી છે કે ખોટી? ૨ અને એ તેજસ્વી પુરુષો કોણ છે? એ જાણવાનો તેણે પ્રયત્ન કર્યો. છે, એ પ્રયત્નના પ્રતાપે તેણે જાણ્યું કે આ ફરિયાદ ખોટી છે અને હું તેજસ્વી પુરુષો અન્ય કોઈ નથી પણ બળદેવ અને વાસુદેવ છે. આ પ્રમાણે જાણીને તેણે પોતાના સેવક પ્રત્યે કહ્યું કે,
‘આ તો ઘેર આવેલા આઠમા બળદેવ અને વાસુદેવ છે, માટે તારે અને મારે ઉભયને પૂજવા યોગ્ય છે. | વિચારો કે આ પ્રમાણે સાંભળવાથી ફરિયાદ કરનારને શું થાય ? એજ કે, ‘ખોટી ફરિયાદનો પશ્ચાત્તાપ.” અને એ છે પશ્ચાત્તાપથી એ પણ ઠરી ગયો. અને કાંઈપણ બોલ્યા-ચાલ્યા વિના જેઓથી ગભરાઈને ભાગ્યો હતો, તેઓની સેવા માટે પાછો ફર્યો. પોતાનો સેવક સેવા માટે પાછો ફર્યો પણ સ્વામી પોતે પણ કેમ જ બેસી શકે ? યોગ્યની સેવા વિના નહિ રહી શકવાથી, તે ગોકર્ણ' પણ રાત્રિના ત્યાં પહોંચ્યો અને દેવની અચિંત્ય શક્તિનો સાક્ષાત્કાર કરાવતાં, તેણે એક જ રાત્રિમાં નવ યોજનની વિસ્તારવાળી, બાર યોજન લાંબી, ધન-ધાન્યથી ભરેલી, ફરતાં ઊંચા કિલ્લાવાળી અને અંદર ઉંચા પ્રાસાદોવાળી તથા વિવિધ વસ્તુથી ભરેલાં બજારોવાળી
રામ ત્યાં અયોધ્યા આ કહેવતનો સાક્ષાત્કાર..૩.
