________________
કલ્યાણમાલાની કરુણ કથની
કલ્યાણમાલાની કરુણ કથની...૨
‘આ ઉત્તમ પુરુષના સ્વામી પોતાની ભાર્યા સાથે પાસેના જ છે. પ્રદેશમાં બિરાજમાન છે. એમ જાણતાંની સાથે જ તે કલ્યાણમાલા નામના રાજાએ કલ્યાણકારક આકારને ધરનારા અને પ્રિય બોલનારા એવા પોતાના પ્રધાન પુરુષો દ્વારા સારી રીતથી અભ્યર્થના કરીને શ્રીમતી સીતાદેવીની સાથે જ શ્રી રામચંદ્રજીને ત્યાં બોલાવ્યાં. હદયની છે વાસનાને પૂર્ણ કરવા માટે દુનિયાના પ્રાણીઓ સઘળું જ કરવાને સજ્જ હોય છે. જેને જોવાથી પોતાને કામે વશ કરેલ છે, તેના સ્વામી પણ અહીં પધારે તો પછી બાકી જ શું રહે ?' આ માન્યતાથી એ વાત સાંભળતાની સાથે જ આનંદમાં આવી ગયેલ તેણે, તરત જ પ્રધાનપુરુષો કે જેઓ સુંદર આકારવાળા હોઈ મધુરું બોલનારાં હતા, તેઓને જે સરોવર ઉપર શ્રી લક્ષ્મણજી હતા ત્યાં પધારવા માટે આમંત્રણ કરવાને મોક્લી આપ્યા. તેઓએ પણ ત્યાં જઈને એવા પ્રકારની પ્રાર્થના કરી કે જે પ્રાર્થનાના યોગે શ્રી રામચંદ્રજી પણ શ્રીમતી સીતાજીના સાથે ત્યાં પધાર્યા. શ્રીમતી સીતાદેવી સાથે પધારતાં શ્રી રામચંદ્રજીને જોઈને ભદ્ર બુદ્ધિને ધરનાર તે કલ્યાણમાલા રાજાએ શ્રી રામચંદ્રજીને અને શ્રીમતી સીતાદેવીને પણ નમસ્કાર કર્યા અને તે જ સમયે તે ઉભયને માટે પટકુટી (તંબુ) ને સ્થાપન કરાવી.
