________________
.૮૮૮-અાહરણ......ભ૮-૩
શ્રી રામચંદ્રજીને એકલા આવેલા જોઈને, શ્રી લક્ષ્મણજીએ કહ્યું કે, 'હે આર્ય ! શ્રીમતી સીતાદેવીને એકાકી મૂકીને આપ અહીં કેમ આવ્યા?” શ્રી રામચંદ્રજીએ કહ્યું કે, “હે લક્ષ્મણ ! તેં મને કષ્ટસૂચક સિંહનાથી બોલાવ્યો તેથી આવ્યો.”
શ્રી લક્ષ્મણજીએ કહયું કે, “મેં સિંહનાદ કર્યો નથી છતાં આપના સાંભળવામાં એવો સિંહનાદ આવ્યો. એથી ખરેખર એમ જણાય છે કે આપણને કોઈએ છેતર્યા છે. અને આર્યા શ્રીમતી સીતાદેવીનું અપહરણ કરવાને માટે આવી છેતરપિંડી કરી આપને ત્યાંથી ઉપાયપૂર્વક દૂર ખસેડયા છે. મારા જેવો સિંહનાદ કરવામાં હું કઈ સામાન્ય પ્રકારના કારણની શંકા નથી કરતો, અર્થાત્ મારા જેવો સિંહનાદ કરીને આપને ત્યાંથી દૂર કરવા પાછળ જરૂર કોઈ મોટું જ કારણ હોવું જોઈએ એમ મને લાગે છે. તે કારણથી હે મહાપરાક્રમી આર્ય ! આર્યા શ્રીમતી સીતાદેવીના સંરક્ષણ માટે આપ સત્વર ત્યાં પાછા પધારો અને હું પણ શત્રુઓનો સંહાર કરીને આપની પાછળ જ આવું છું.'
શ્રી રામચંદ્રજીને મૂર્છા આવી શ્રી લક્ષ્મણજીએ આ પ્રમાણે કહેવાથી શ્રી રામચંદ્રજી સત્વર તે સ્થળે પાછા આવ્યા કે જે સ્થળે શ્રીમતી સીતાદેવીને મૂકીને તેઓ શ્રી લક્ષ્મણજીના રક્ષણ માટે ગયા હતા. ત્યાં આવીને જોયું તો ત્યાં શ્રીમતી સીતાદેવીને જોયા નહિ. આથી શ્રી રામચંદ્રજી તત્કાળ મૂચ્છને પામીને પૃથ્વી ઉપર પડી ગયા. જ્યારે તેઓને મૂર્છા વળી, તેમને સંજ્ઞા પ્રાપ્ત થઈ એટલે ઉઠીને જોયું તો ત્યાં મરણોન્મુખ થઈને પડેલા જટાયુ પક્ષીને દીઠું તેને તે દિશામાં જોઈને તીક્ષ્ણ બુદ્ધિવાળા શ્રી રામચંદ્રજીએ એમ વિચાર્યું કે કોઈ માયાવીએ છળ કરીને મારી પ્રિયાનું હરણ કર્યું. તેના હરણથી ક્રોધ પામીને આ જટાયુ પક્ષી તેની સામે થયો અને તેથી એ માયાવી વડે આ મહાત્મા જટાયુ પક્ષી હણાયું છે.
