________________
...સત૮-અહરણ......ભ૮-૩
ભયંકર દુશ્મનો છે. આ આર્યદેશની એ કમનસીબી છે કે, એવા પાપાત્માઓ આજે દુનિયાને ધર્મથી વિમુખ બનાવવા માટે ધર્મ શબ્દનો જ દુરુપયોગ કરી રહ્યા છે. એવા પાપાત્માઓથી દરેક રીતે બચાવવાનો પ્રયત્ન કરવો, એ જ હિતાવહ છે.
આજે જૈન સમાજમાં પણ એવા આત્માઓ ઓછા નથી, કે જેઓ જૈનસમાજની ધર્મવૃત્તિનો નાશ કરી રહ્યા છે. જૈનોને તેઓ જૈનશાસનથી વિમુખ બનાવી રહ્યા છે. અને ઈતર જીવોને પ્રભુશાસન તરફ દુર્ભાવ ઉત્પન્ન કરનારી પ્રવૃત્તિ કરી રહ્યાા છે. જુઠ્ઠી વાતો લખીને, તારક ધર્મને નિદવો, તારક ગુરુઓને નિદવા અને તારક પ્રવૃત્તિઓને નિદવી એ શું ઓછ અધમતા છે ? આજે ભાગવતી દીક્ષા સામે જે પ્રચારકાર્ય થઈ રહ્યાં છે અને ધર્મક્રિયાઓની સામે જે જાતની ટીકાઓ થઈ રહી છે. તે જોતાં એવું કરનારા પાપાત્માઓ, લૂંટારાઓ અને હિંસકો કરતાં ભૂંડા છે, એમ લાગ્યા વિના રહેતું નથી. કોઈ જીવને ધર્મ પમાડવો નહિ, પામતા હોય તેમને પતિત કરવા અને પામેલાને નિદવા, આના જેવો બીજો કોઈ અપકાર નથી, છતાં આજે સુધારાને નામે અને સમાજહિતને નામે એ બધું ચાલી રહ્યું છે ને ?
એટલું સમજી લો કે, ધર્મની આરાધના અશક્તિથી ઓછી થાય તો ઓછી કરવી, વધુ આરાધના કરવા પ્રયત્ન કરવો. કોઈને ધર્મ ન પમાડી શકાય તો સ્વયં પ્રયત્ન કર્યો જવો, પણ કોઈનેય ધર્મથી પતિત કરવાના પાપમાં ન પડવું જોઈએ. ધર્મ ઓછો આચરાય એથી તો મુક્તિ કદાચ મોડી મળશે. પણ જો કોઈને ધર્મથી પતિત કરવાના પાપમાં પડ્યા તો તમે દુર્લભબોધિ બની જશો અને એ આત્મા ઉપર ભયંકર અપકાર કરવા સાથે દુનિયાના જીવોને તમે ભયરૂપ બની, બીજાઓને ભયરૂપ બનાવશો. કોઈપણ જીવને ધર્મ પમાડવો, એના જેવો બીજો કોઈ ઉપકાર નથી. અને કોઈપણ જીવને ધર્મથી પતિત કરવો એના જેવો બીજો કોઈ અપકાર નથી.
