________________
હવે જેમ ધર્મ પમાડવો એના જેવો બીજો કોઈ ઉપકાર નથી, તેમ કોઈપણ જીવને ધર્મથી ભ્રષ્ટ કરવો, ધર્મથી પરાભુખ બનાવવો. ધર્મનો નિંદક બનાવવો, ધર્મનો દ્વેષી બનાવવો, ધર્મ,ધર્મગુરુ, ધર્મસ્થાપક એ તારક ત્રિપુટી તરફ દુર્ભાવવાળો બનાવવો અને અધર્મમાં ચકચૂર બનાવવો, એના જેવો બીજો અપકાર પણ કોઈ નથી. એક આત્મા ધર્મમાર્ગે ચઢતો હોય, એને ધર્મથી પતિત કરવો, એના જેવો બીજો કોઈ અપકાર નથી. એથી એના આત્માનું જે અહિત થાય છે અને દુનિયાના બીજા જીવોનું પણ જે અહિત થાય છે, તે શું જેવો તેવો અપકાર છે?
સધ્ધર્મથી પતિત કરનારા મહાભયંકર છે એક માણસની લક્ષ્મી લૂંટી લો તો બહુ બહુ તો એકાદ ભવ દરિદ્રી રહે, કુટુંબ પરિવારથી દૂર મૂકો તો પણ એકાદ ભવ માટે દૂર રહે, સત્તા છીનવી લ્યો તો ય એકાદ ભવ માટેની અને એના પ્રાણ લઈ લો તો ય આ ભવ પૂરતાને ? આથી વધુ કરી શકવાની તમારી છે તાકાત તો નથી ને? જો કે એ બધું કરવું સહેલું નથી. એનો શુભોદય હોય તો તમારું કાંઈ વળે નહીં, પણ માનો કે તમે એ બધું ય કરી શકો તો પણ આ ભવ પૂરતું ને? પણ એને ધર્મથી પતિત કરો, તો તેનું ભવોભવનું અકલ્યાણ થાય. આથી એમ નહિ માનતા કે, કોઈની લક્ષ્મી લૂંટી લેવી, કોઈને તુચ્છ સ્વાર્થ માટે કુટુંબ પરિવારથી દૂર રાખવો, કોઈની સત્તા છીનવી લેવી, એ સાધારણ પાપ છે. એ પાપ પણ ન સેવવું જોઈએ. અહીં તો કહેવાનું તાત્પર્ય એ છે કે, જે લોકો દુનિયાના જીવોને ધર્મથી પતિત કરનારા છે, તેઓ લૂંટારાઓ અને હિંસકો કરતાં પણ ભૂંડા છે. તેવાઓ કરતાં પણ મહાપાપી છે !
આજે આ આર્યદેશની પણ કઈ દશા છે ? ધર્મથી દુનિયાના જીવોને પતિત કરવાના કેવા કારમાં પ્રયત્નો થઈ રહ્યા છે. દુનિયાને વર્તમાનના પૌદ્ગલિક પદાર્થોની તથા સ્વતંત્રતાની લાલચ આપીને, ધર્મથી ઉભગાવી દેનારાઓ દુનિયાના હિતસ્વી તો નથી જ, પણ
રાજા દંડક દંડકારણ્ય જટાયુપક્ષી...૭
