________________
આજે જેઓ ‘પેટ પૂરતું અનાજ લોકોને મળતું નથી, લોકો બેકાર થઈ ગયા છે. એ વખતે ધર્મની વાતો કરવી એ યોગ્ય નથી.'
આવું આવું લખે છે. અને કહે છે, તેઓને પૂછો તો ખરા કે તમે જે આ બધું લખી અને બોલી રહ્યા છો, તેમાં કારણભૂત ભૂખ્યાઓ પ્રત્યેની દયા છે કે, ધર્મનો દ્વેષ છે ? મને તો લાગે છે કે તેઓ જે આવું આવું બોલે છે અને લખે છે, તેમાં ઘણે ભાગે ભૂખ્યાઓ પ્રત્યે દયા કારણભૂત નથી, પરંતુ તેઓના અંતરમાં બેઠેલી ધર્મ પ્રત્યેની માત્ર અરુચિ જ નહિ પણ દ્વેષ જ તે માટે પ્રાય: કારણભૂત છે.
દયા નહી પણ દુષ્ટતા
૧૫૧
જો તેઓ ભૂખ્યાઓ પ્રત્યેની દયાથી જ એવું એવું લખતા અને બોલતા હોય તો ‘તેઓની આજે જે દશા છે તે ન હોત,' એવું એવું લખનાર અને બોલનારાઓમાં મોટોભાગ એવો છે કે આવું લખવા અને બોલવા ઉપરાંત એક પાઈનો પણ ભોગ ભૂખ્યાઓની ભૂખ ભાંગવાને માટે આપવાને તૈયાર નથી, એ લોકો માત્ર પેટ પૂરતું . અનાજ મેળવે છે, એમની પાસે મૂડી નથી, તેઓ મોજશોખમાં પૈસા ખર્ચતા નથી, કે તેઓ સાત્વિક ને સાદું જીવન જીવનારા છે, એમ પણ માની લેવા જેવું નથી. તેઓ જો માત્ર પેટ પૂરતું અનાજ મેળવવા માટેની તેમજ બીજી જીવનનિર્વાહને માટે અનિવાર્ય સામગ્રી રાખી, બાકીનું બધું જ ભૂખ્યાઓની ભૂખ ટાળવાને માટે આપી દે છે, એમ માનવા જેવું નથી. જો એવું એવું લખનારા અને બોલનારા એવો આપભોગ આપનારા જ હોત તો તો જરૂર આપણે કહેત કે તેઓ જે એવું એવું લખે છે અને કહે છે, તેમાં કારણભૂત ભૂખ્યાઓની દયા છે. પણ તેઓ એમ કરવાને બદલે જ્યારે પોતાની જ દુવૃત્તિઓ અને દુષ્ટ પ્રવૃત્તિઓમાં મશગુલ બનેલા જોવાય છે. તેઓમાંના કેટલાક જ્યારે સંતોષ અને સંયમથી દૂર ભાગતા જોવાય છે. તેઓમાંના કેટલાક જ્યારે ભૂખ્યાઓના નામે રોજી રળી ખાવા ઉપરાંત પટારાઓ ભરવાનો ભયંકર ધંધો કરતા જોવાય છે. અને તેઓમાંના કેટલાક
રાજા દંડક દંડકારણ્ય જટાયુપક્ષી...
