________________
૧ર૧
કરમન કી ગત ન્યારી
કરમન કી ગત ન્યારી...૬
હેતુને સમજીને હેતુ સિદ્ધ કરતાં શીખો આપણે એ જોઈ ગયા કે વંશશૈલ પર્વત ઉપર ધ્યાન ધરતા કુલભૂષણ અને દેશભુષણ નામના બે મુનિવરો ઉપર આવેલા દેવી ઉપદ્રવનું નિવારણ કર્યા બાદ, તે બંને મુનિવરોને કેવળજ્ઞાન થયા પીથી શ્રી રામચંદ્રજીએ તેઓને દેવી ઉપસર્ગનું કારણ પૂછ્યું, ઉપસર્ગ આવવા એ પૂર્વકૃત કર્મનો પ્રતાપ છે. પૂર્વે કરેલું પાપ જ્યારે ઉદયમાં આવે છે, ત્યારે આત્મા ગમે તેવી દશામાં હોય તો પણ ઉદય તો પોતાનું કામ કરે જ છે. છતાં એ વસ્તુ પણ સુનિશ્ચિત છે કે પાપના ઉદય વખતે પણ જે પુણ્યાત્માઓ આત્મભાન ભૂલતાં નથી, પાપોદયે આવેલા દુઃખને ટાળવાને બીજાં અનેક પાપોના કારણરૂપ મન-વચન-કાયાની પ્રવૃત્તિઓ કરતા નથી અને જેઓ પુદ્ગલની સાનુકૂળતા કે પ્રતિકૂળતા વખતે સમચિત્ત રહે છે તેઓ પાપના ઉદય સમયે તો પોતાનું ધાર્યું કામ કાઢી જાય છે, એ વખતે તેઓ અપૂર્વ કર્મનિર્જરા કરે છે.
માટે જ જ્ઞાની મહર્ષિઓ ફરમાવે છે કે “પાપના ઉદયથી મૂંઝાવ નહિ પણ આત્મભાન ભૂલ્યા વિના એને સમભાવે સહો” પાપના ઉદયને સહતાં, આ શ્રી કુલભૂષણ અને શ્રી દેશભૂષણ નામના મુનિવરોએ કેવળજ્ઞાન પ્રાપ્ત કર્યું. જે કાંઈ આફત આવે છે તે આપણે જમેળવેલી હોય છે. આફત કાંઈ આકાશમાંથી ઉતરી
