________________
४३
(३२३) 1 आरुहइ जस्स कजं पुक्करियं जाम-संखेणं ।।
तं च मज्झण्ण-संख-सदं सोऊण णियय-धम्म-कम्म-करणिज्ज-वावड--मणेहिं 3 पुलइयाई दस वि दिसिवहाई धम्म-पुरिसेहिं । णरवइणा वि गहिय-सव्व-धम्म
परमत्थेण भणिया सव्व-धम्म-वाइणो ‘वच्चह तुब्भे, करेह णियय-धम्म5 कम्म-किरिया-कलावे' त्ति । एवं च भणिया समाणा सव्वे णिययासीसा-मुहला
समुट्ठिया अत्थाणि-मंडवाओ । साहणो उण भगवंते राइणा भणिए ‘भगवं, 7 तुब्भेहिं कत्थ एरिसो धम्मो पाविओ' त्ति । साहूहिं भणियं ‘अम्हेहिं सो
महाराय, आगमाओ' त्ति । तेण भणियं को सो आगमो' त्ति । गुरुणा भणियं 9 ‘अत्त-वयणं आगमो' त्ति । राइणा भणियं केरिसो अत्तो जस्स वयणं आगमो'
त्ति । गुरुणा भणियं । 11 'जो राय-दोस-रहिओ किलेस-मुक्को कलंक-परिहीणो ।
णाणुज्जोइय-भुयणो सो अत्तो होइ णायव्वो ।।' 13 राइणा भणियं ।
सो केण तुम्ह दिट्ठो केण व णिसुओ कहं कहेमाणो । 15 केण पमाणेण इमं घेप्पउ अम्हारिसेहिं पि ।।।
गुरुणा भणियं । 17 अम्हेहिँ सो ण दिट्ठो ण य णिसुओ किंचि सो कहेमाणो ।
आगम-गमएहिँ पुणो णज्जइ इह अत्थि सव्वण्णू ।। 19 राइणा भणियं ।
जइ ण णिसुओ कहं तो कह भणसि महागमेण सव्वण्णू । 21 जो ण सुओ ण य दिट्ठो कह त अम्हाण साहेसि ।।
गुरुणा भणियं ।
1) P कजं बुक्करियं. 2) P संखद्द सोऊण, Jom. करणिज, P om. वि. 4) J भणिया सव्वे. 5) Jom. णियया. 6) P अत्थाणमंडवाउ, P भणियं for भणिए. 7) Jom. अम्हेहिं सो. 8) P om. को सो आगमो etc. ending with णायव्वो ।। राइणा भाणियं ।. 14) P तुम्हे दिट्ठो. 15) J इहं घेप्पइ, P अम्हारिसेहिम्मि ।. 17) Jinter सो & ण, P adds कहं before कहेमाणो. 20) J कह रे for कहं तो, P भणासि. 21) P सुए for सुओ, P om. य.
