________________
(८३)
१०५
1 होइ महंतं दुक्खं देवाण वि देव-लोयम्मि ।।
जे होंति णाडइल्ला गोज्जा तह किंकरा य पडिहारा । 3 भिच्चा भडा य भोज्जा अभिओगाणं इमं दुक्खं ।।
अइतिक्ख-कोडि-धारा-फुरंत-जालावली-जलायंतं । 5 तं एरिस-वजहरं वज हरते सुरा दटुं ।।
पच्छायाव-परद्धा हियएण इमाई णवरि चिंतेति । 7 हा हा अहो अकजं विसयासा-मोहिएण कयं ।।
जइ तइया विरमंतो अविराहिय-संजमो अहं होंतो । 9 इंदो व्व होज इहइं इंद-सरिच्छो व्व सुर-राया ।।
अव्वो संपइ एसो किंकर-पुरिसो इमाण हं जाओ । 11 तव-सरिसं होइ फलं साह सच्च उवइसति ।।।
सरिसाण य सम्मत्तं सामण्णं सेवियं समं अम्हे । 13 अज्झवसाय-गुणेणं एसो इंदो अहं भिच्चो ।।
विसयासा-मोहिय-माणसेण लद्धे जिणिंद-वयणम्मि । 15 ण कओ आयर-भावो चुक्को एयं विसय-सोक्खं ।।
बहु-काल-संचिओ मे जो वि कओ संजमो बहु-वियप्पो । 17 सो वि अकारण-कुविएण णासिओ णवर मूढेण ।।
लोए पूया-हेउं दाण-णिमित्तं च जो तवो चिण्णो । 19 सो धम्म-सार-रहिओ भुस-सरिसो एरिसो जाओ ।।
तडि-जलण-वारि-मरणे बाल-तवे अज्जियं च जं धम्म । 21 तं कास-कुसुम-सरिसं अवहरियं मोह-बाएण ।।
स च्चिय संजम-किरिया तं सीलं भाव-मेत्त-परिहीणं ।
1) P लोगंमि. 3) P अभिउयाणं. 4) P अतितिक्ख, P जलयलेंत. 6) P चिंतंति. 7) J विसयाविसमो०. 8) J णिस्संको for विरमंतो, P महं for अहं. 12) J सामण्णु. 15) J भाओ. 18) P पूयाहिउं. 19) P तुस for भुस. 20) P तडिजालानलमरणे.
