________________
૭૮
પ્રાચીનદ્વિતીયકર્મગ્રન્થ | ભાવાર્થ – (૨જી ગાથા) બંધને વિષે ઓથે (સામાન્યથી) ૧૨૦ પ્રકૃતિઓ હોય છે. તીર્થકર નામકર્મ અને આહારક દ્વિક વિના મિથ્યાત્વ ગુણસ્થાનકે ૧૧૭ પ્રકૃતિનો બંધ હોય છે. ૧ લા ગુ.ઠા.ના અંતે સોળ પ્રકૃતિનો બંધ વિચ્છેદ થવાથી સાસ્વાદન ગુણસ્થાનકે ૧૦૧ પ્રકૃતિનો બંધ થાય છે. ત્યાં ૨૫ પ્રકૃતિનો બંધ વિચ્છેદ તથા ૨ આયુષ્યના બંધનો અભાવ થવાથી મિશ્ર ગુણસ્થાનકે ૭૪ પ્રકૃતિઓ બંધાય છે.
અવિરત ગુણસ્થાનકે દેવાયુષ્ય, મનુષ્યાયુષ્ય તથા તીર્થંકર નામકર્મ ઉમેરાવાથી ૭૭ પ્રકૃતિઓ બંધાય છે, અંતે ૧૦ પ્રકૃતિનો બંધ વિચ્છેદ થવાથી પાંચમા ગુણસ્થાનકે ૬૭ પ્રકૃતિઓ બંધાય છે. અંતે ૪નો બંધવિચ્છેદ થવાથી છઠ્ઠા ગુણસ્થાનકે ૬૩ પ્રકૃતિઓ બંધાય છે. અંતે ૬નો બંધ વિચ્છેદ તથા આહારક દ્રિક ઉમેરાવાથી સાતમાં ગુણસ્થાનકે ૫૯ પ્રકૃતિઓ બંધાય છે. અંતે ૧ પ્રકૃતિનો બંધ વિચ્છેદ થવાથી.
| ભાવાર્થ – (૩જી ગાથાનો) આઠમાગુણસ્થાનકના પહેલા ભાગે ૫૮ પ્રકૃતિઓ બંધાય છે. અને ૨ પ્રકૃતિનો બંધવિચ્છેદ થવાથી આઠમા ગુણસ્થાનકના બીજા ભાગથી છઠ્ઠા ભાગ સુધી પ૬ પ્રકૃતિઓ હોય છે. છઠ્ઠા ભાગે ૩૦ પ્રકૃતિઓનો બંધવિચ્છેદ થવાથી સાતમા ભાગે ર૬ પ્રકૃતિ બંધમાં હોય છે. અંતે ૪ પ્રકૃતિનો બંધવિચ્છેદ થવાથી નવમાં ગુણસ્થાનકે ૨૨ પ્રકૃતિ અનુક્રમે ૫ પ્રકૃતિનો બંધવિચ્છેદ થવાથી ૨૧, ૨૦, ૧૯, ૧૮ અને દશમા ગુણસ્થાનકે ૧૭ પ્રકૃતિઓ હોય છે. અંતે સોળ (૧૬) પ્રકૃતિનો બંધ વિચ્છેદ થવાથી ૧૧-૧૨ અને ૧૩માં ગુણસ્થાનકે શતાવેદનીય એક જ પ્રકૃતિ બંધમાં હોય છે. અંતે પ્રકૃતિનો વિચ્છેદ થવાથી ચૌદમાં ગુણસ્થાનકે અબંધક થાય છે. ૨.૩. पण नवइग सत्तरसं, अड पंच य चउर छक्कछ च्चेव । इग दुग सोलस तीसं, बारस उदए अजोगंता ॥ ४ ॥
એકથી ચૌદ ગુણસ્થાનકે અનુક્રમે પાંચ, નવ, એક, સત્તર, આઠ, પાંચ, ચાર, છ, છ, એક, બે, સોળ, ત્રીશ, બાર પ્રકૃતિનો ઉદય વિચ્છેદ જાણવો. પછી અયોગી થાય છે.
