________________
શતકનામા પંચમકર્મગ્રંથ પંચમકર્મગ્રંથના પ્રકાશન પ્રસંગે પ્રાસંગિક શતકનામા પંચમ કર્મગ્રંથનું સરળભાષામાં સંપાદન કરી પં શ્રી રસિક્લાલ શાન્તિલાલ મહેતાએ અભ્યાસકોની જીજ્ઞાસાને પૂર્ણ કરવા કરેલ પ્રયત પ્રશંસનીય છે.
અનાદિકાળથી સંસારમાં પરિભ્રમણ કરતા જીવો કર્મોના બંધ- વિપાક આદિના સ્વરૂપને સમજી કર્મબંધનોથી મુક્ત થવા પ્રયત કરે તે જરૂરી છે.
પંચમકર્મગ્રંથમાં આવતા પદાર્થો, કર્મ પ્રકૃતિના પ્રકૃતિબંધ, સ્થિતિબંધ, રસબંધ, પ્રદેશબંધનું સ્વરૂપ ભૂયસ્કાર, અલ્પતર અવસ્થિત, અવક્તવ્યનું નિરુપણ, આત્માએ બાંધેલ કર્મપ્રદેશો કઈ પ્રકૃતિમાં કેટલા મળે તેમજ જઘન્ય ઉત્કૃષ્ટ સ્વામી, ઉપશમશ્રેણિ ક્ષપકશ્રેણિ વિગેરે પદાર્થોનું સરળ ભાષામાં સ્પષ્ટ રીતે વિવેચન કરી અભ્યાસકોને જાતે અભ્યાસમાં ઉપયોગી થાય તેવો પ્રયત કરેલ છે. તે આ લખાણ મેં સાદ્યન્ત વાંચેલ છે તેથી જાણી શકાય છે.
પંડિત શ્રી રસિકભાઈ મહેતાએ વર્ષો સુધી અમદાવાદ - મહેસાણા પછી સુરતમાં પૂજ્ય સાધુ સાધ્વીજી મહારાજ સાહેબોને કર્મ સાહિત્યનું કર્મગ્રંથોનું અધ્યયન કરાવી કર્મગ્રંથોનું સારું જ્ઞાન મેળવેલ છે. અને આ સંપાદન દ્વારા તેમના કર્મગ્રંથોના જ્ઞાનનો પ્રેમ અને સ્વાધ્યાય પ્રેમ જણાય છે. 'અત્યારે કર્મગ્રંથોનું સચોટ સવિસ્તર સરળ ભાષામાં અધ્યયન કરાવનાર પંડિતો, અધ્યાપકો બહુ ઓછા છે. આવા ગ્રંથોના વાંચનથી અભ્યાસક વર્ગ તૈયાર થશે.
અભ્યાસક વર્ગ આ ગ્રંથના અભ્યાસ દ્વારા કર્મ પ્રકૃતિનું જ્ઞાન મેળવી આધ્યાત્મિક વિકાસમાં પ્રયતશીલ બની મોક્ષ મેળવવા સમર્થ બને તેવી શાસનદેવને પ્રાર્થના કરું છું. પં. શ્રી રસિકભાઈ બીજા અન્ય કર્મગ્રંથોનું સંપાદન કરે તેવી આશા રાખું છું.
માણેકલાલ હરગોવનદાસ સોનેથા તા. ૧૧-૭-૨૦૦૧
(ગરાંબડીવાળા)
સાહિત્ય શાસ્ત્રી, ડી.બી.એડ, ૫, રતસાગર એપાર્ટમેન્ટ, ગોપીપુરા, કાજીનું મેદાન, સુરત.
૫૭ અષાઢ વદ-૫
