________________
ઉપશમણિ - ઉપશમસમ્યકત્વ
પરિણામ ૨) ઉત્તરોત્તર દરેક સમયે અનંતગુણ વિશુદ્ધિ હોય છે. એટલે પ્રથમ સમયની વિશુદ્ધિથી બીજા સમયની અનંતગુણ, તેથી ત્રીજા સમયની અનંતગુણ એમ ચરમ સમય સુધી જાણવું. (દરેક સમયે જીવની પરસ્પર સમાન). ૩) અહીં પણ અપૂર્વકરણની જેમ ચાર અપૂર્વકાર્યો થાય છે. ' ૪) અહીં દરેક સમયે એક-એક જ અધ્યવસાય સ્થાન છે. તેથી જસ્થાન થાય નહી. ૫) અનિવૃત્તિકરણના ઘણા સંખ્યાતાભાગ કાળ જાય, એક સંખ્યાતમો ભાગ કાળ બાકી હોય ત્યારે અંતરકરણ કરે છે. અંતર - વચમાં, કરણ - ખાલી કરવું તે એટલે ઉદય સમયથી એક અંતર્મુહૂર્તકાળ છોડી વચ્ચે અંતર્મુહૂર્તના દલિકોને ખાલી કરે છે. અંતર્મુહૂર્તની જગ્યાના દલિકોને ખાલી કરવા તે અંતરકરણ કહેવાય છે એમ સમજવું.
પ્રથમ સ્થિતિ - અંતરકરણ - બીજી સ્થિતિ ૬) ઉદય સમયથી અંતર્મુહૂર્તના કાળમાં જે દલિકો છે. જેને ખાલી કરતો નથી. પરંતુ ભોગવીને નાશ કરશે તે પ્રથમ સ્થિતિ અથવા નીચેની સ્થિતિ કહેવાય છે. ૭) વચ્ચે અંતર્મુહૂર્તની સ્થિતિના દલિયા ખાલી કરવા તે અંતરકરણ, તે પ્રથમ સ્થિતિ કરતા મોટું અંતર્મુહૂર્તનું પ્રમાણ છે. ૮) અંતરકરણની પછીની સ્થિતિ અંત:કોડાકોડી સાગરોપમ પ્રમાણે છે તે બીજી સ્થિતિ – ઉપરની સ્થિતિ કહેવાય છે. ૯) અંતરકરણની ક્રિયા એક સ્થિતિઘાત - સ્થિતિબંધના કાળમાં થઈ જાય છે. ૧૦) સ્થિતિઘાત સ્થિતિબંધ અને અંતરકરણની ક્રિયા સાથે શરૂ થાય છે. અને સાથે પૂર્ણ થાય છે. ૧૧) અંતરકરણના દલિક મિથ્યાત્વની પ્રથમ અને દ્વિતીય બન્ને સ્થિતિમાં પ્રતિ સમયે અસંખ્યગુણાકારે નાખે છે. કારણકે જેનો બંધ અને ઉદય હોય તેના
