________________
ગુણશ્રેણિનું વર્ણન
૮. દેશવિરતિ અને સર્વવિરતિની ગુણશ્રેણિનું અંતર્મુહૂર્ત આગળ આગળ વધે છે. તેનું શિર સ્થિર નથી. અંતર્મુહૂર્તનું આયામ એક સરખું હોય છે. ૯. ગુણશ્રેણિનું અંતર્મુહૂર્ત અપૂર્વકરણ અને અનિવૃત્તિકરણના કાળ કરે થોડુ વધારે મોટુ છે.
૧૦. પ્રથમની ત્રણ ગુણશ્રેણિ (મિથ્યાત્વે કરે તો) ગુણ પામતા પૂર્વે અને ગુણ પામ્યા પછી પણ થાય છે.
૧૧. અનંતાનુબંધીની વિસંયોજના આદિની ગુણશ્રેણિ તે તે કર્મના ઉપશમ કે ક્ષય ન કરે ત્યાં સુધી જ હોય છે. તે વખતે બીજા (સત્તામાં ૨હેલાં) કર્મની ગુણશ્રેણિ ગુણ પામ્યા પછી પણ અંતર્મુહૂર્ત સુધી હોય છે. જેમકે અનંતાનુબંધીની વિસંયોજનાની ગુણશ્રેણિ અનંતાનુબંધીની વિસંયોજના કરનારને અનંતાનુબંધીની ગુણશ્રેણિ દ્વિચ૨મ સ્થિતિખંડ ખંડે ત્યાં સુધી જ થાય છે. અને બાકીની મોહનીયની પ્રકૃતિઓની અને બીજા કર્મોની ગુણશ્રેણિ અનં. ની વિસંયોજના કર્યા પછી પણ અંતર્મુહૂર્ત સુધી હોય છે.
૧૨. અનંતાનુબંધિ આદિના ક્ષયની ગુણશ્રેણિ દ્વિચ૨મ સ્થિતિખંડ સુધી જ થાય છે. કારણકે ચરમ સ્થિતિખંડના દલિક પોતાની નીચેની સ્થિતિમાં નાખતો નથી ૫૨ પ્રકૃતિમાં નાંખે છે. માટે ત્યારે ગુણશ્રેણિ ન થાય.
૧૩. ક્ષપકને સંજવલન લોભની, ક્ષીણમોહને જ્ઞાનાવરણીયાદિ ત્રણ કર્મની ગુણશ્રેણિ પોતાના ગુણસ્થા.નો એક સંખ્યાતમોભાગ બાકી રહે ત્યાં સુધી જ હોય
છે.
૧૪. અયોગીની ગુણશ્રેણિ તે ત્યાં રચતો નથી. પરંતુ રચેલી ગુણશ્રેણિના દલિયાને ભોગવીને નાશ કરવા રૂપ ગુણશ્રેણિ કરે છે. એટલે કે સયોગી ગુણ. માં આયોજિકાકરણથી અયોગીના કાળ કરતાં વધારે અંતર્મુહૂર્ત પ્રમાણ કર્મ સ્થિતિને અપવર્તાવીને અયોગી ગુણ. ના કાળ જેટલા અંતર્મુહૂર્તમાં અસંખ્યગુણાકારે ગોઠવે અને તે અયોગી ગુણ. માં ભોગવીને નિર્જરા કરે તે અયોગીની ગુણશ્રેણિ કહેવાય.
160
