________________
આનંદ અને આભાર ઘરદીવડી જેવી આ નાની સરખી વિદ્યાપ્રવૃત્તિને ચાલુ રાખવા માટે જુદાજુદા પવિત્ર વિદ્વાનેના સહકારનું તેલ મળતું રહે છે, એ અમારું સદ્ભાગ્ય છે. આ પુસ્તકમાળાના આઠમા પુસ્તક તરીકે ઈતિહાસ અને પુરાતત્ત્વના વિશારદ પૂજ્ય મુનિ શ્રી જિનવિજયજની વિદ્યાપ્રસાદી આપતાં અમને ખૂબ આનંદ થાય છે.
આઠ વર્ષથી આ પ્રવૃત્તિ અખંડપણે ચાલુ રહી શકી છે તે સમાજ અને સ્નેહીઓના મમતાભર્યા સહકારને લીધે જ. એ સૌ પ્રત્યે અમે અમારી આભારની ઊંડી લાગણી પ્રદર્શિત કરીએ છીએ.
દરેક પુસ્તકની જેમ, આ પુસ્તકનું સંપાદન પણ અમારા મિત્ર ભાઈ શ્રી રતિલાલ દીપચંદ દેસાઈએ કરી આપ્યું છે.
બધી જ વસ્તુઓની જેમ છાપકામનું ખર્ચ પણ વધી ગયું હેવાથી આની કિંમત વધારવી પડી છે તે ચલાવી લેવા વિનતિ છે.
ત્રણેક અઠવાડિયાં જેટલા ઓછા વખતમાં આ પુસ્તકનું સુંદર મુદ્રણ શારદા મુદ્રણાલયે કરી આપ્યું છે; એ માટે અમારા સ્નેહી શ્રી શંભુભાઈ તથા ગોવિંદભાઈને અમે હાર્દિક આભાર માનીએ છીએ.
શ્રી રજનીભાઈ વ્યાસે, બહુ જ ઓછા વખતમાં, આનું સાદુંસુંદર કવરચિત્ર કરી આપ્યું છે, અને સાંભારે એન્ડ બ્રધર્સે વખતસર એનું બાઇન્ડિંગ કરી આપ્યું છે; એમના અમે આભારી છીએ.
અમારે ચિ. અશોક આજે જ વિદેશના પ્રવાસેથી પાછો ફરે છે, અને આ પુસ્તક પણ આજે જ પૂરું થાય છે. અમારે માટે આ એક યાદગાર જોગાનુજોગ છે. ૪૮, ગોવાલિયા ટેક રોડ મુંબઈ-૨૬
કાંતિલાલ ડાહ્યાભાઈ કેરા તા. ૫-૯-૬૬, સોમવાર
