________________
अनन्ताश्चेतना बोध्या, कर्मयुक्ता वपुः स्थिताः । અનન્તા: પરમાડડ્માનઃ, મતિીતા ત્નિનેરા: II ૭૨ ।।
શ્રી નેમિનાથ જગત્પ્રભુ શ્રી કૃષ્ણ વાસુદેવને પ્રતિબોધ પમાડવા દ્વારિકાપુરીમાં પધાર્યા છે. અનંત જીવોનું કલ્યાણ એ પરમાત્માના વિહારનો શુભાશય છે.
તેઓ જ્ઞાનનો વિસ્તાર કરે છે- જડતાને ભેદે છે. અંધકારને છેદે છે. જ્ઞાન પ્રકાશને પ્રસરાવે છે.
જગતના દેહધારી જીવો અનંત અંધકારમાં સબડી રહ્યા છે, તેમનામાં જ્ઞાનજ્યોતિ જગાડવાનો આશય પ્રભુનો છે. તેઓ શુદ્ધાત્માની વાત કરે છે.
અજ્ઞાનની વાત કરે છે. જ્ઞાનના પ્રકાશની વાત કરે છે. આ વિશ્વમાં શરીરધારી અનંત ચેતનો - જીવો છે. તે સર્વ કર્મ યુક્ત છે.
તેઓ સતત વિવિધ પ્રકારનાં કર્મોથી બંધાતા જાય છે. પૂર્વે પણ કર્મ બંધ થયો છે ને વર્તમાનમાં પણ તેઓ કર્મ યુક્ત છે.
જ્યાં દેહ છે, ત્યાં કર્મ છે. દેહધારી જીવો કર્મથી બંધાય છે. એમ તો અનંતાનંત જીવો ચેતનો આ વિશ્વમાં અસ્તિત્વ ધરાવે છે. તેમની સંખ્યાનો કોઈ પાર નથી. ગણ્યા ગણાય નહિ તેટલા જીવો પ્રવર્તમાન છે. તે સર્વ જીવો દેહદારી છે. ને દેહધારી જીવો સતત કર્મ કરતા રહે છે. તેઓ કર્મથી અળગા થઈ શકતા નથી, રહી શકતા નથી.
કર્મ સજાની સત્તા અપરંપાર છે. સર્વ કાળે અને સર્વ સ્થળે તેમની સત્તાની આણ પ્રવર્તે છે. કોઈ કર્મથી અલગ રહી શકતું નથી. કર્મથી સર્વ જીવો બંધાય છે. સહુ શુભ અને અશુભ કર્મોના સરવાળા કરે છે. સદ્ અને અસદ્ના સરવાળા કરે છે.
પાપ અને પુણ્યના સરવાળા કરે છે.
શુભ કર્મથી પુણ્ય બંધાય છે. અશુભ કર્મથી પાપ બંધાય છે. કર્મનું ફળ દરેક જીવને ચાખવું પડે છે.
રાજા હોય કે નોકર, અમીર હોય કે ભિખારી, સ્ત્રી હોય કે પુરુષ સર્વને કર્મનાં ફળ ભોગવવાં જ પડે છે. કર્મ સત્તાથી કોઈ બચી શકતું નથી.
૭૭
