________________
एकदा सर्वखण्डेषु, जैनधर्मप्रचारणा । भविष्यन्ति कलौ नूनं, विश्वैक्यशांतिकारिका ॥३०९ ॥
શ્રી નેમિનાથ જગપ્રભુની આ વાણી છે. તેમની વાણી ભાવિને ભેદનારી છે. આર્ષવાણી છે.
હવે પછીના એટલે ભાવિકાળમાં શું બનશે તે વાત તેઓ કહે છે. તેમની વાણી સત્યવાણી છે. ભાવિના ભેદ ઉકેલનારી છે. અગમવાણી છે. તેઓ આવનારા કલિયુગની વાત કરતાં કહે છે - કલિયુગમાં એક દિવસે જૈનધર્મનો અપૂર્વ પ્રચાર થશે. જૈનધર્મ સર્વ ખંડોમાં વિશ્વનું ઐક્ય કરનાર હશે. વિશ્વમાં શાંતિનું સામ્રાજ્ય પ્રસરાવનાર હશે. આવો એ શ્રેષ્ઠધર્મ હશે. અને આવા આ શ્રેષ્ઠ જૈનધર્મનો વિશ્વમાં પ્રચાર થશે. महावीरस्य सद्भक्त्या, लोकानां सद्गतिः कलौ । अरिष्ठनेमिनाथेन, सर्वज्ञेन प्रकाशिता ॥३१० ॥ લોકોની સદ્ગતિ શી રીતે થાય? અને એ પણ કલિકાળમાં?
શ્રી નેમિનાથ જગત્રભુ કહે છે કે કલિયુગમાં ભગવાન મહાવીરની જે સારી રીતે ભક્તિ કરશે તો એની સદ્ગતિ થશે.
કલિયુગમાં મહાવીરની સદ્ભક્તિ જ મનુષ્યને તારશે એમ સર્વજ્ઞ ભગવાન શ્રીઅરિષ્ટનેમિ કહે છે.
महावीरस्य जापेन, जनानां सद्गतिधूवम् । वीरजापसमो यज्ञो, कलौ नान्यो भविष्यति ॥ ३११ ॥
શ્રી નેમિનાથ જગપ્રભુ કલિયુગ અંગેની વાત આગળ ચલાવે છે. તેઓ શ્રી કૃષ્ણ વાસુદેવને પ્રતિબોધ પમાડતાં કહે છે કે -
ભગવાન મહાવીરના જાપથી લોકોની અવશ્ય સદ્ગતિ થશે. જાપનું પણ આગવું મહત્ત્વ છે. જાપ અંતઃ પ્રકાશ ફેલાવે છે. હૃદયને નિર્મળ બનાવે છે. '
જાપ માત્રથી ભવસાગર તરી ગયા હોય એવા અનેક ઉદાહરણો ધર્મના ઈતિહાસના પાને નોંધાયેલા છે.
૨૯૮
