________________
अरिष्टनेमिनाथेन, जैनधर्मः प्रकाशितः । विश्वोद्धाराय संपूर्णं, सत्यं तत्र प्रवर्तते ॥७॥ જૈન ધર્મ તો અહિંસાનો પ્રભાવ પાથરનારો ધર્મ છે. એની અહિંસાની ભાવના ઉપલકિયા નથી. તેની અહિંસા માત્ર શબ્દલીલા નથી. આચાર અને વિચાર- બંનેને એકત્વ બક્ષતો ધર્મ છે એ. અહીં વાણી અને વર્તનમાં અદ્વૈત સધાય છે.
એની અહિંસાની વિભાવના અતિસૂક્ષમ છે. સૂક્ષ્માતિસૂક્ષમ છે. નાનામાં નાના જીવની આચરણ, વિચાર કે પ્રત્યક્ષ વર્તન દ્વારા થતી હિંસાનો એ વિરોધી છે.
ઝેરી સર્પ પ્રત્યે કે હિંસક પશુ પ્રત્યે પણ એ દયા ધર્મનો પક્ષપાતી છે. કર્મસત્તાને એપ્રાધાન્ય અર્પે છે. શિંગડા વડે માર માર કરતી આવેલી ભેંસને પણ ન મારવાનો બોધ જૈન સાધુ આપે છે.
હવે તમે જ કહો, આનાથી મોટો પ્રભાવક અને પરિશુદ્ધ ધર્મ અન્ય કયો હોઈ શકે? જૈન ધર્મની કર્મની ફિલસૂફી સમગ્ર જગતે સમજવા જેવી છે.
એ કંઈ કોરી વિચારલીલા નથી. દંભી શબ્દ લીલા નથી. હૃદયમાંથી ઊઠેલી ભાવના છે.
બંધ કરેલું બારણું ખોલવા જતાં બારણા પાછળ રહેલા સૂક્ષ્મ જીવકીડી-મંકોડો કચડાઈ જાય તો? એવા વિચાર સાથે બારણું ખોલ્યા વિના જ બહાર બેસી રહેનારા જૈન સાધુ તમને આ ધર્મમાં મળશે!
અરે, ટપાલપેટીમાં પોસ્ટકાર્ડ નાખવાથી કોઈ સૂક્ષ્મ જીવ કાર્ડની નીચે દબાઈ જવાથી મૃત્યુ પામે તો? એવા વિચાર સાથે પોસ્ટના ડબલામાં કાર્ડન નાખનારા સાધુઓ પણ જૈન ધર્મમાં તમને અવશ્ય મળશે.
પગલાં પડ્યાં શ્રી નેમિનાથ પ્રભુનાં અને દ્વારિકાપુરીનું વાતાવરણ બદલાઈ ગયું. શ્રી કૃષ્ણ વાસુદેવે સમ્યકત્વ સ્વીકાર્યું અને યજ્ઞમાં પશુ હિંસાનું નિવારણ કર્યું. અને આમ ઉપદેશદ્વારા શ્રી નેમિનાથ પરમાત્માએ વિશ્વના ઉદ્ધાર માટે જૈનધર્મપ્રકાશિત કર્યો. એ ધર્મમાં સંપૂર્ણ સત્ય પ્રવર્તે
