________________
जैनधर्मस्य सेवायामहिंसैव स्वकर्मतः । अहिंसाप्यन्यथा हिंसा, जैनानां स्वत्वनाशिनी ॥ २७० ॥ જૈનધર્મ! એની સેવા. સેવા માટે કરાતાં સ્વ-કર્મ. જૈનધર્મની સેવામાં સ્વ કર્મથી અહિંસા જ છે. અહિંસા સેવાજન્ય છે. સેવાની ભૂમિકા ઉપર ઉભેલી છે. જૈનધર્મની સેવા એ પણ કર્મથી અહિંસા જ છે એમ જાણવું. જો સેવાની ભાવના ન હોય તો અહિંસાનો કોઈ અર્થ નથી. સ્વત્વનો નાશ કરનારી અહિંસા તો પછી હિંસા જ જાણવી. સાચી અહિંસા સેવામાં. ધર્મની સેવામાં. જૈનધર્મની સેવામાં. જૈનધર્મની સેવામાં જ સ્વ કર્મથી અહિંસા રહેલી છે. અન્યથા તો સ્વત્વનો નાશ કરનારી અહિંસા પણ હિંસા જ છે. સેવાકીય અહિંસા જ સાચી અહિંસા. पुरुषाणां च नारीणां, तुल्यत्वं सर्वकर्मसु । सर्वजातिमनुष्याणामुच्चत्वं न च नीचता ॥२७१ ॥ પુરુષ અને સ્ત્રી. પુરુષનું કર્મ અને સ્ત્રીનું કર્મ. પુરુષોનું અને સ્ત્રીઓનું કર્મમાં તુલ્યપણું રહેલું છે. હંમેશા સર્વ જાતિના મનુષ્યોનું ઉચ્ચપણું જાણવું જોઈએ. નીચતા નહિ. सर्वदेशीय लोकानां, राष्ट्रादिसर्वकर्मणाम् । व्यवहारे समानत्वं, स्वातंत्र्यं समं भुवि ॥२७२ ॥ આ જગતમાં વિવિધ દેશે વિવિધ લોકો વસે છે. આમ તો અનેક પ્રકારની વિભિન્નતા આ બધામાં જોવા મળે છે. પહેરવેશ, ભાષા, સંસ્કૃતિ, આચાર, વિચાર. આમ, વિવિધ પ્રકારે વિભિન્નતા દેખાય છે.
તેમ છતાં સર્વદેશીય લોકોનું રાષ્ટ્ર વગેરે સર્વ કર્મોમાં વ્યવહારથી સમાનપણું જાણવું.
૨૬૭
