________________
द्रव्यभावतया जैनधर्मकर्मप्रवर्तनम् । નૈનધર્મ: સ વિજ્ઞેયઃ, સર્વપ્રતિસાધજઃ ॥ ૨૪૨ ॥ જૈનધર્મ અને કર્મનું પ્રવર્તન કરવું એ દરેક જૈનનું કર્તવ્ય છે. દ્રવ્યથી પણ કરાય અને ભાવથી પણ કરાય. કારણ કે જૈનધર્મ એક શ્રેષ્ઠ ધર્મ છે.
જગતનાં માનવીઓ પ્રત્યે આ ધર્મ કરૂણા વહાવે છે. માત્ર માનવી જ શા માટે ?
સર્વ પ્રાણીઓ અને સૂક્ષ્મ જંતુઓ તરફ પણ કરૂણાનો પ્રવાહ વહે છે આ ધર્મમાં.
ક્ષમામાં કેટલી શક્તિ છે, એ તો આ ધર્મે જ જગતને સમજાવ્યું છે. વેરભાવ મિટાવ્યાં છે.
પ્રેમનો પારસ સ્પર્શ અનુભવડાવ્યો છે. દયાભાવ, પ્રેમ, ક્ષમા અને કરૂણા. જૈનધર્મનાં આ મૂળ તત્ત્વો.
તીર્થંકર પ્રભુઓએ પણ આ જ વાત કરી છે. કોઈને દુઃખ ન આપો. કોઈના દુઃખનું નિમિત્ત ન બનો. ક્ષમા માગો. ક્ષમા આપો. ક્ષમા રાખો.
જગતના મહાન અને ઉદાત્ત ચરિત્રનાયકો પર દ્રષ્ટિપાત કરો. તમને
એ બધામાં સામાન્ય ભાવ એ જોવા મળશે કે તેઓએ જગતના જીવો
પ્રત્યે અપાર કરૂણા વહાવી છે, અપાર પ્રેમ વહાવ્યો છે.
જીવો અને જીવવા દો. પ્રાણના ભાગે જીવાડો.
જીવવાનો અધિકાર સૌનો છે. મારવાનો અધિકાર કોઈનો નથી. કરૂણાનો પ્રવાહ વહાવો. ક્ષમાશીલ બનો.
માફ કરો, મન સાફ કરો. દિલ સ્વચ્છ કરો. હૃદય પવિત્ર કરો. સૌને ચાહતાં શીખો.
આ નાની નાની વાતો માત્ર શબ્દો નથી પણ જીવનમંત્રો છે. જીવો, જીવવા દો ને જીવાડો' ની ઉચ્ચતમ ભાવના એ જગતને જૈન ધર્મની દેન છે.
આવા મહાન જૈનધર્મના પ્રવર્તન માટે પ્રયાસ કરો, બધું જ કરી છૂટવું એ તમામ જૈનોનું પરમ કર્તવ્ય છે.
૨૪૬
