________________
હૃદયની એટલી જ વિશાળતા પણ છે.
તે આગમ અને નિગમથી વ્યાપ્ત છે. તે વિશ્વોદ્વારક છે. વિશ્વના ઉદ્ધારની તમામ ક્ષમતાઓ જૈનધર્મમાં રહેલી છે. વિશ્વની પીડા શી છે ?
વિશ્વ બંધુત્વનો અભાવ. રાષ્ટ્ર રાષ્ટ્ર વચ્ચે અરિત્વ. જગતના દેશોની યુદ્ધખોરી.
શાંતિનો અભાવ. સમજણનો અભાવ. સહિષ્ણુતાની ગેરહાજરી. આ બધાના કારણે અહં ટકરાય છે.
ખાંડાં ખખડે છે. શસ્ત્ર ખણકે છે. બોંબ ઝીંકાય છે.
ને સતત નાગાસાકી અને હિરોશીમાના વિધ્વંસનું પુનરાવર્તન થયા
કરે છે ઃ
માણસો મરે છે, ચીસો ચિત્કારો ઊઠે છે. પૃથ્વી લોહિયાળ બને છે. પ્રદેશ પ્રદેશ પર હક. ભૂમિના વિસ્તારની રાતીચોળ ઈચ્છાઓ. ઈચ્છાઓની ભભૂકતી ભૂખ.
બિચારી વિશ્વશાંતિ બળીને રાખ થઈ જાય છે.
માણસ માણસ મટી જાય છે. માણસ જાનવર બની જાય છે. માણસ ખાઉં રાક્ષસ. વિનાશ વેરતો રાક્ષસ.
ભૂવિસ્તારની ભૂખ લાગી છે વિશ્વના રાષ્ટ્રોને.
એક રાષ્ટ્રના ભૂવિસ્તાર પર બીજા રાષ્ટ્રની આધિપત્યની લાલસા. લાલસા ટકરાય છે.
જાણે હિંસક વરૂની લાલ બંબોળ જિહ્વા લબકારા લે છે.
રાષ્ટ્ર રાષ્ટ્ર લડે છે વિનાશક શસ્ત્રોથી અને બિચારી જનતાનો કચ્ચરઘાણ વળી જાય છે. લોહીની નદીઓ વહે છે.
જૈનધર્મ એમાંથી બચવાની વાત કરે છે. એ માટેની ગહન ફિલસૂફી તે સમજાવે છે, તેથી એ વિશ્વોદ્વારક બનશે.
જગતને માર્ગદર્શક બનશે. મુક્તિ દાયક બનશે.
અને આવો વિશ્વોદ્ધારક, મુક્તિદાયક, શાંતિદાયક, જીવનદાયક સનાતન જૈનધર્મ કલિયુગમાં પ્રવર્તશે.
જગતને શાંતિ પમાડશે. જગતનો ઉદ્ધાર કરશે.
જગતને મુક્તિનો માર્ગ બતાવશે.
૨૪૫
