________________
પ્રભુના આગમનના સમાચાર કેટલા બધા આનંદકારી હતા? કેટલા બધા રોમહર્ષક હતા? કેટલા બધા ભાવની આંધી જગાવનારા હતા?
પણ આજે ઝંખના પૂર્ણ થઈ. ચિર તૃષાનું શમન થયું. અંતરની આરઝુની ડાળે ફળ બેઠાં.
શ્રી કૃષ્ણ વાસુદેવ તો અર્ધ આર્યાવર્તના સ્વામી. પરમ સત્તાધારી. અર્ધ આર્યાવર્તમાં ભરતખંડમાં તેમની આણ પ્રવર્તે.
પરંતુ એય બેચેન હતા પ્રભુના દર્શન માટે. અને આજે એમની અતૃપ્તિ પૂર્ણ થઈ હતી.
પ્રભુ પધાર્યા એનો આનંદ હતો. પ્રભુનાં દર્શન થયાં તેનો આનંદ હતો. કૃતકૃત્ય બન્યાનો ભાવ હતો. પ્રભુના શબ્દો ઝીલવા માટે તો તે કેટલા બધા આતુર હતા?
વરસોથી તરસ્યા જીવાત્માના ચરણ પાસે જ જાણે સ્વયં ગંગા નદી આવી પહોંચી. જેની ઈચ્છા હતી એજ ફળ આપ મેળે આવીને મળ્યું.
શબ્દો ઝીલવા હતા. પ્રભુની વાગ્ધારા ઝીલવી હતી. અમૃતરસનું પાન કરવું હતું.
શ્રી નેમિનાથ જગત્મભુના આગમન સાથે જ પ્રભુના શબ્દોરૂપી સરવાણી હૃદયગંગા રૂપે વહી નીકળી. જાણે રસપ્રવાહ વહી નીકળ્યો.
આ તો ચિર મનીષા હતી. અખંડ ઉત્કંઠા હતી.
અને શ્રી કૃષ્ણ વાસુદેવ શ્રી નેમિનાથ જગત્મભુના ભક્ત વિશેષ બન્યાં. ને તેમણે પરમ ધન્યતાનો અનુભવ કર્યો. પ્રભુની દેશના દ્વારા તત્ત્વના બોધને ઝીલીને શ્રી કૃષ્ણ વાસુદેવે સમ્યકત્વને અંગીકાર કર્યું
श्रीकृष्णवासुदेवेन, नेमिनाथस्य शिक्षया। जैनधर्मप्रचाराय, हिंसायज्ञा निवारिताः ॥ ४॥
તે સમયે જગતને શું થયું હતું કે તે અવળા માર્ગની ઉત્પત્તિનું સ્થાન બની ગયું હતું. સત્ત્વનો વેધ થયો હતો અને અમારિપ્રવર્તન જોવા મળતું નહોતું.
ચોપાસ અબોલ પશુઓનાં કંદનો સંભળાતાં. મૂંગા જીવોની આંતરડી કકળતી.
