________________
આત્મરૂપ આત્મ સમાન ગણવો જોઈએ. વ્યક્તિ મટીને વિશ્વ માનવી બનવાની કલ્પના માણસ ભૂલી ગયો છે.
એ વ્યક્તિ તરીકે વિચારે છે. વ્યક્તિ તરીકે જુએ છે. વ્યક્તિ તરીકે મૂલવે છે. વ્યક્તિ તરીકે વ્યવહાર કરે છે.
વ્યક્તિને વ્યક્તિ માને છે. આત્મરૂપ સમજતો નથી. આત્મબંધુ માનતો નથી.
ભેદ રેખા દોરે છે. ભિન્નતા દોરે છે. ભિન્નતા આલેખે છે. ને જ્યાં આવું થાય, ત્યાં શાંતિ શી રીતે સંભવી શકે ? બંધુત્વની ભાવનાનો હ્રાસ થયો છે.
વિશ્વ માનવીની કલ્પના નષ્ટ થઈ છે.
જુદાઈ આવી ગઈ. ભિન્નતાની દિવાલો ચણાઈ ગઈ. અલગતાનાં પાર્ટીશન ગોઠવાઈ ગયા.
માનવી માનવીથી જુદો પડ્યો.
બંને વચ્ચેની દૂરતા વધી. અંતરના અંતર વધ્યાં. ને પેલી બંધુત્વની સર્વોચ્ચ ભાવનાનો લોપ થયો. શાંતિ ત્યાં જ છે, જ્યાં સમાનતા છે.
સુખ ત્યાં જ છે, જ્યાં સખ્ય છે. સમૃદ્ધિ ત્યાં જ છે, જ્યાં અભિન્નતા છે.
આ શ્લોકમાં ખાસ કરીને જૈનોની વાત કરવામાં આવી છે. જૈનધર્મી કોઈ પણ જાતીનો હોય, પણ જૈન જૈન જ છે. સાધર્મિક છે. સમાન ધર્મી છે.
એક શ્રેષ્ઠધર્મનું અનુસરણ તેઓ કરી રહ્યા છે.
જૈનોએ જૈનોને હંમેશાં આત્મરૂપ આત્મ સમાન જાણવા.
બંધુભાવ અનુભવવો. ઐક્યનું આલંબન કરવું.
જૈનોએ જૈનોને હંમેશાં આત્મરૂપ આત્મ સમાન ગણી તેમને નમસ્કાર કરવા જોઈએ.
૨૦૭
