________________
જે ઈન્દ્રિયો રાગ અને ભોગની ભોમકામાં લઈ જાય છે, મોહ અને માયામાં ખૂપાવી દે છે, આસક્તિનાં ઝેર પીવડાવે છે ને કામ ક્રોધ મદ મોહમાં ગાંડા હાથીની જેમ ચકચૂર બનાવે છે ને ભૌતિકવાદી-મોહાત્મક - રાગાત્મક - ભોગાત્માક ઈન્દ્રિયોને પરવશ બને છે દેહ.
એમનો ગુલામ બનીને રહે છે. ઈન્દ્રિયોની પરવશતાને કારણે એનામાં લાલસા જાગે છે. રાગ દ્વેષ જાગે છે. કામ ક્રોધ જાગે છે. ભોગનો શિકાર બને છે. સત્યને વિસ્મરી જાય છે. અસત્યને ગળે વળગાડે છે. બાહ્ય ચકાચક અને ચળકાટમાં અંજાઈ જાય છે.
મોહના અંધત્વમાં ખોવાઈ જાય છે. . કામિની અને કંચનોઈને એની ઈન્દ્રિયો બેકાબૂ બને છે. ને તે દ્રષ્ટિ દોષ વહોરી લે છે, એટલું જ નહિ પણ વિષયવશ બનીને અધમ કૃત્યોના આચરણ માટે પ્રવૃત્તિમાન બને છે.
કંચન એની લાલસાને પ્રદીપ્ત કરે છે. કંચનની લાલસાને કારણે બંધુબંધુવચ્ચે રથયાં હોય અથવા બંધુએ બંધુનો નાશ કર્યો હોય એવું ઈતિહાસના પાનાં ઘર નોંધાયું છે.'
આ બધાં દૈહિક કારણો છે. રાગભાવ અંધત્વ પ્રેરે છે.
દેહભાવ વિવેક ભાન ભૂલે છે. શરીરની માંગ પૂરી કરવા માટે, સર્વ વિવેક ભાનને કોરાણે મૂકીને, તમામ નીતિ નિયમોને અળગા કરી દઈને એ અધમ માર્ગે આગળ વધે છે. આ દેહને શણગારવામાં, દૈહિક લાલસાને પૂર્ણ કરવામાં, ઈન્દ્રિયોને વશ બનીને તે વિલાસી અને વિજયી બની છે. : -
ઈન્દ્રિયોની લીલા એ દેહની આવશ્યકતા છે. કામિનીને કારણે માથાં કપાયાનું જાણ્યું છે. કામિનીને કારણે પ્રપંચ દાવો ખેલાયાનું જાણ્યું છે.
દેહ લાલસાને કારણે માણસ રૂપરંગ પાછળ પાગલ બની જાય છે ને પોતાનો શ્રેષ્ઠ સમય અને ઉત્તમ જન્મ વ્યર્થ બગાડી નાંખે છે.
કંચનને કારણે પણ ભાઈ-ભાઈ લડ્યાનું ને પીઠ પાછળ ખંજર ભોંકવાના ઘણા બનાવો ઈતિહાસના ચોપડે નોંધાયા છે. કંચન દૈહિક સગવડો માટેની લાલસા છે.
૧૦૭
