________________
८६
લઈ જઈ દર્શન કરાવી શકીશ, કેમકે હું એ અધિકાર પર નિયુક્ત છું.”
થોડીવાર વિચાર કરી એ બોલ્યોઃ
“ચતુરા ! તારી સાથેની આ વાતચીતથી હું બહુ જ ખુશ થયો છું. જેવો તે વખાણ્યો તેવો જ જો રાજકુમાર હોય તો ઉતાવળ કર. તેમનું મારે ઘણું કામ છે. વળી જેમ મારે કામ છે તેમ કુમારનો પણ એમાં લાભ સમાયેલો છે. ફક્ત તું આટલું જ કર. લે, આ ચિત્રનું પાટીયું. તેમાં મેં એક દિવ્ય કન્યાનું રૂપ જે રીતે છે તે રીતે ચિતર્યું છે. તે સકળકળા કુશળને બતાવ. આ હું તારી પછવાડે જ આવ્યો સમજ.”
એ મ કહી સરસ ચીનાઈ વાની પ્રસેવિકામાં થી (કોથળીમાંથી) ધીમે ધીમે ખેંચી કાઢી આ પાટીયું મને આપ્યું.
