________________
दसवेआलियसुत्
अज्झयण ६
गंभीरविजया एए पाणा दुप्पडिलेहगा। आसंदीपलियंको य एयम्टुं विवज्जिया ॥५६ ।। गोयरग्गपविट्ठस्स निसेज्जा जस्स कप्पइ । इमेरिसमणायारं आवजइ अबोहियं ।। ५७ ॥ विवत्ती बंभचेरस्स पाणाणं च वहे वहो। वणीमगपडिग्घाओ पडिकोहो अगारिणं ।। ५८ ।। अगुत्ती बंभचेरस्स इत्थीओ वावि संकणं । कुसीलवड्ढणं ठाणं दूरओ परिवजए ॥ ५६ ॥ तिहमन्नयरागरस निसेजा जस्स कप्पइ । जराए अभिभूयस्स वाहियस्स तवस्सियो । ६० ।। वाहिनो वा अरोगी वा सिणाणं जो उ पत्थए । वुकतो होइ आयारो, जढा हवइ संजमो ॥ ६१ ॥ संतिमे सुहुमा पाणा घसासु भिलुगासु य । जे उ भिक्खू सिणायंतो वियडेणुप्पलावए ।। ६२ ।। तम्हा ते न सिणायंति सीएण उसिणेण वा। जावज्जीवं वयं घोरं असिणाणम हिटगा ।। ६३ ।। सिणाणं अदुवा कक्कं लोद्ध पउमगाणि य । गायस्सुव्वट्टणटाए नायरंति कयाइ वि॥ ६४॥ नगिणस्स वा वि मुंडंस्स दीहरोमनहंसिणो । मेहुणा उवसंतस्ल किं विभूसाए कारियं ॥ ६५ ॥ विभूसावत्तिय भिक्खू कम्मं बंधइ चिक्कणं । संसारसायरे घोरे जेणं पडइ दुरुत्तरे ॥६६॥ विभूसावत्तियं चेयं बुद्धा मन्नंति तारिसं । सावजबहुल चेय नेय ताईहिं सेवियं ॥ ६७ ॥ खवेति अप्पाणममोहदसिणा। तवे रया संजमअज्जवे गुणे ।
