________________
অঙ্কু
१९३] पुढविसिरी नामं गणिया होत्था। वण्णो । तए णं सा पुढविसिरी गणिया इन्दपुरे नयरे बहवे राईसर' जाव प्पभिईओ बहूहि चुण्णप्पओगेहि य जाव अभिओगेत्ता उरालाई माणुस्सगाई भोगभोगाइं भुञ्जमाणी विहरह
तए णं सा पुढविसिरी गणिया एयकम्मा ४ सुबहुं... समजिणित्ता पणतीसं वाससयाई परमाउयंपालइत्ता कालमासे कालं किच्चा छट्ठीए पुढवीए उक्कोसेणं...नेरइयत्ताए उववन्ना । साणं तओ अणन्तरं उव्वट्टित्ता इहेव वद्धमाणपुरे नयरे धणदेवस्स सत्थवाहस्स पियङ्गभारयाए कुच्छिसि दारियत्ताए उववन्ना। तए णं सा पियङ्गभारिया नवण्हं मासाणं...दारियं पयाया। नामं अञ्जसिरी । से जहा देवदत्ताए ॥ १९१ ॥
तए णं से विजए राया आसवाह..., जहा वेसमणदत्ते तहा, अञ्ज पासइ, नवरं अप्पणो अट्ठाए वरेइ, जहा तेयली, जाव अञ्जए भारियाए सद्धिं उप्पि जाव विहरइ ॥ १९२ ॥
तए णं तीसे अञ्जए देवीए अन्नया कयाइ जोणिसूले पाउन्भूए यावि होत्था । तए णं से विजए राया कोडुम्बियपुरिसे सदावेइ, २ एवं वयासी-"गच्छह णं, देवाणुप्पिया, वद्धमाणपुरे नयरे सिंघाडग° जाव एवं वयह-" एवं खलु, देवाणुप्पिया, विजयस्स रन्नो अञ्जए देवीए जोणिसूले पाउब्भूए । जो णं एत्थ वेजो वा ६..." जाव उग्रोसेन्ति
तए णं ते बहवे वेजा वा ६ इमं पयारवं सोचा निसम्म जणेव विजए राया तेणेव उवागच्छन्ति, २ उप्पत्तियाहिं
