________________
चुलसीइ सहस्साई उविद्धा ते गया सहस्समहे । धरणियले विच्छिण्णा अणूणगे ते दससहस्से ।।२७।। जत्थिच्छसि विक्खम्भं अंजणगणगाउ उ उवरिवत्ताणं । तं तिगुणियं तु काउं अट्ठावीसाए विभयाहि ।।२८।। नव चेव सहस्साइं पंचेव य होति जोयणसयाई । अंजणगपव्वयाणं मूलम्मिउ होइ विक्खंभो ।।२९।। तीसं चव सहस्सा बायालीसं च जोयणाऊणा । अंजणगपव्वयणाणं मूलम्मि उ परिरओ हाइ ॥३०॥ नव चेव सहस्साइं दो चेव सया हवंतिउ अपूण्णा । अंजणगफन्वयाणं धरणियले हाइ विक्खंभो ॥३१॥ एगुणतीससहस्सा सत्तेव सया हवंति छन्वीसा । अंजणगपव्वयाणं धरणियले परिरओ होइ ॥३२॥ पंचेव सहस्साइं दो चेव सया हवंति उ अणणा । अंजणगपव्वयाणं बहु मज्झे हाइ विक्खंभो ॥३३॥ सोलस चेव सहस्सा सत्तेव सया विउत्तरा हति । अंजणगपव्वयाणं बहुमज्झे परिरओ हाइ ॥३४॥ विक्खंभेणं जणगा सिहरतले होति जोयणसहस्सं । तिन्नेव सहस्साइं वावट्ठिसय परिरएणं ॥३५॥ वढंति एगपासे दस गंतूण पएसमेगंतु । वीसं गंतूण हुवे वट्टतिय दोसु पासेसु ॥३६।।
