________________
नवमे य सिलप्पवहे तत्तो फलिहे य लोहियक्खे य । वयराभए य कूडे परिमाणं तेसि वुच्छामि ।।८।। एएसि कुडाणं उस्सेहो पंच जोयणसयाइं पंचेव । जोयणसए मूलम्मि उ होंति विच्छिन्ना ॥९॥ वेरुलियमसारे तिन्नि पन्नत्तरि जोयणसयाई मज्झम्मि। अड्डाइज्ज य सए सिहरतले वित्थडा कूडा ॥१०॥ एगं चेव सहस्सं पंचेव सयाई एगसीयाई । मूलम्मि उ कूडाइं सविसेसो परिरओ होइ ॥११।। एग चेव सहस्सं छलसीयं च तह य हाइ सयमेगं । मज्झम्मि उ कूडाणं बिसेसहीणो परिक्खेवो ।।१२।। सत्तेव जोयणसया एक्काण उ (छ) य च जोयणा होति । सिहरतले कूडाणं विसेसहीणो परिक्खेवो ॥१३॥ ऊसे य संसिया भद्दे तत्तो भवे सुभद्दे य । अठू य सव्वओ रुंदे आणंदे चेव नंदे य ।।१४।। नंदिसेणे य मोडेय गोथुभे य सुदंसणे । पलिओवमट्ठिईया नागसुवन्ना परिवसंति ॥१५॥ दक्खिणपुव्वेणं रयणकूडा गरुलस्स वेणुदेवस्स । सव्वरयणं तु पुव्वत्तरेणं तु वेणुदालिस्स ॥१६॥ रयणस्स अवरपासे तिण्णि वि समइच्छि ऊणं कुडाई। कडं वेलंबस्स उ विलंबसुहियं सया होइ ।।१७।।
