________________
पुव्वेण उ विसाला अईविसालाउ दाहिणे पासे । सेयपभा अवरेणं अमया पुण उत्तरे पासे ।।९७।। सक्कस्स देवरन्नो जाओ य हवंति अग्गमहिसीओ । तासिपिय पत्तेयं अटेवय रायहाणीओ ।।९८।। जं नामा देवीओ तं नामा होति रायहाणीओ । सक्कस्स देव रन्नो ताओ उ हवंति दक्खिणओ ।९९। ईसाणदेव रन्नो जाओ उ हवंति अग्गम हिसीओ । तासि पि य पत्तेयं अवय रायहाणीओ ।।१०।। जं नामा देवीओ तं नामा होति रायहाणीओ । इसाणदेवरन्नो तासि तु हवंति उत्तरओ ॥१०१।। कुंडलवरस्स बाहि छसु चेव हवंति सयसहस्सेस । तेत्तीसं रइकरगा उ पव्वया तत्थ रम्माओ ।१०२॥ सक्कस्स देवरन्नो तायत्तीसा हवति जा देवा । उप्पायपव्वया खलु पत्तेयं तेसि बोद्धव्वा ।।१०३।। एत्तो एक्केक्कस्स उ चउद्दिसि होंति रायहाणीओ । जंबुद्दीवसमाओ विक्खंभायामओ ताओ ॥१०४।। पढमा सयसहस्सा विइया तिसु चेव सयसहस्सेसु । पुवाइयाऽऽणुपव्वी तासि नामाई कित्तेऽहं ॥१०५।। विजया य वेजयंती जयंती अपराइया य बोद्धव्वा । तत्तो य नलिणनामा नलिणगुडमाय पउमाय ।१०६।
