________________
२५
अज्झयण ६
दसवेआलियसुत्तं. 'लोभस्सेस अणुप्फासो मन्ने अन्नयरामवि। जे सिया सन्निहीकामे गिही पव्वइए न से ॥१९॥ जं पि वत्थं व पायं वा कंबलं पायपुंछणं। तं पि संजमलज्जठा धारेंति परिहिंति य ॥२०॥ न सो परिग्गहो वुत्तो नायपुत्तेण ताइणा।। मुच्छा परिग्गहो वुत्तो इइ वुत्तं महेसिणा ॥२१॥ सम्वत्थुवहिणा बुद्धा संरक्षणपरिग्गहे। अवि अप्पणो वि देहमि नायरंति ममाइयं ॥२२॥ अहो निच्चं तवोकम्मं सव्वबुद्धेहिं वणियं । जा य लज्जासमा वित्ती एगभत्तं च भोयणं ॥२३॥ संतिमे सुहुमा पाणा तसा अदुव थावरा। जाई राओ अपासंतो कहमेसणियं चरे ॥२४॥ उदउलं बीयसंसत्तं पाणा निव्वडिया माहिं। दिया ताई विवज्जेज्जा राओ तत्थ कहं चरे ॥२५॥ एयं च दोसं दणं नायपुत्तेण भासियं । सव्वाहारं न भुंजति निग्गंथा राइभोयणं ॥२६॥ पुढविकायं न हिंसंति मणसा वयस कायसा। तिविहेण करणजोएण संजया सुसमाहिया ॥२७॥ 'पुढविकायं विहिंसंतो हिंसइ उ तयस्सिए । तसे य विविहे पाणे चक्खुसे य अचखुसे ॥२८॥ तम्हा एयं वियाणित्ता दोसं दुग्गइवढणं । पुढविकायसमारंभं जावज्जीवाए वज्जए॥२९॥ आउकायं न हिंसंति मणसा वयस कायसा। तिविहेण करणजोएण संजया सुसमाहिया ॥३०॥ आउकायं विहिंसंतो हिंसइ उ तयस्सिए। तसे य विविहे पाणे चक्खुसे य अचक्खुसे ॥३१॥ तम्हा एयं वियाणित्ता दोसं दुग्गइवढणं ।।
आउकायसमारंभं जावज्जीवाए वज्जए ॥३२॥ - १ अ. घ. लोभस्सेसणुप्फासो; क. लोभस्सेस अणुप्फासे; च. लोभस्सेसणुफासो. २ अ. क. ख. ग. घ. परिहरंति य. 3 क. नाइपुत्तेण. ४ अ. सुहमा. ५ अ. निवडिया; घ. निव्वुडिया. ६ अ. पुढवीकायं हिंसंतो.
