________________
२४
दसवेआलियसुत्तं.
सखुड्डुगवियत्ताणं वाहियाणं च जे गुणा 'अखंडफुडिया कायव्वा तं सुणेह जहा तहा ॥ ६ ॥ दस अ य ठाणाई जाई बालोऽवरज्झइ' । तत्थ अण्णयरे ठाणे निग्गन्थत्ताओ भस्सइ ॥ ७ ॥ "वयछकं कायछक्कं अकप्पो गिहिभायणं । पलियङ्क 'निसेज्जा य सिणाणं 'सोभवज्जणं ॥ ८ ॥ तत्थिमं पढमं ठाणं महावीरेण देसियं । अहिंसा निउणा दिठ्ठा सव्वभूएस संजमो ॥ ९ ॥ जावंति लोप पाणा तसा अदुव थावरा । ते जाणमजाणं वा न हणे 'नो व घायए ॥ १० ॥ " सव्वजीवा वि इच्छंति जीविउं न मरिज्जिउं । तम्हा 'पाणवहं घोरं निग्गंथा वज्जयंति णं ॥ ११ ॥ अप्पा परठ्ठा वा कोहा वा जइ वा भया । हिंसगं न मुर्स बूया नो वि अन्नं वयावए ॥ १२ ॥ मुसावाओ य लोगंमि सव्वसाहूहिं गरहिओ । अविस्सासो य भूयाणं तम्हा मोसं विवज्जए ॥ १३ ॥ चित्तमंतमचित्तं वा अप्पं वा जइ वा बहुं । दंतसोहणमेत्तं" पि " ओग्गहंसि अजाइया ॥ १४ ॥ तं अप्पणा न गेहंति नो वि गिण्हावए परं । अन्नं वा "गिण्हमाणं पि नाणुजाणंति संजया ॥ १५ ॥ अबंभचरियं घोरं पमायं दुरहिद्वियं । नायरंति मुणी लोए "भेयाययणवज्जिणो ॥ १६ ॥ मूलमेय महम्मस्स महादोससमुस्सयं । तम्हा मेहुणसंसग्गं निग्गंथा वज्जयंति णं ॥ १७ ॥ विडमुब्भेइमं लोणं तेल्लं सप्पि च फाणियं । न ते सन्निहिमिच्छंति नायपुत्तवओरया ॥ १८ ॥
११
१२
अज्झयण ६
१ अ. घ. अक्खंड. २ ख. घ. विरज्झई. ३ च. छक्क. क. च. निसिज्जा सिणाणं. ५ अ. सोह. ६ च. नो वि घायए. ७ अ. ख. सव्वे जीवा वि. ८. अ. ख. पाणिवहं. ९ ख. बियायए. १० क. ख. घ. मित्तंपि ११ च. उग्गहं से. १२ ग. च. गेण्हमाणं. १३ अ. क. ख. भेयायणविवज्जिणो.
