________________
दसवेआलियसुत्तं. अज्झयण ५-२ अत्तठागुरुओ लुद्धो बहुं पावं पकुव्वइ । दुत्तोसओ य से होइ निव्वाणं च न गच्छइ ॥ ३२ ॥ सिया एगइओ लद्धं विविहं पाणभोयणं । 'भद्दगं भद्दगं भोच्चा विवण्णं विरसमाहरे ॥ ३३॥ जाणंतु ता इमे समणा आययठी अयं मुणी। संतुठो सेवई पंतं लूहवित्ती सुतोसओ॥३४॥ पूयणठा जसोकामी माणसंमाणकामए । बहुं पसवई पावं मायासल्लं च कुव्वा ॥३५॥ सुरं वा मेरगं वा वि अन्नं वा मज्जगं रसं ।
ससक्खं न पिबे भिक्खू जसं सारक्खमप्पणो ॥३६॥ 'पिया एगइओ तेणो न मे कोइ वियाणइ । तस्स पस्सह दोसाइं नियडिं च सुणेह मे ॥ ३७॥ . वड्डइ सोडिया तस्स मायामोसं च भिक्खुणा। अयसो य अनिव्वाणं सययं च असाहुया ॥३८॥ निच्चविग्गो जहा तेणो अत्तकम्महि दुम्मई । तारिसो मरणंते वि नाराहेइ संवरं ॥३९॥ "आयरिए नाराहेइ समणे यावि तारिसो। गिहत्था वि णं गरहति "जेण जाणंति तारिसं॥४०॥
एवं तु अगुणप्पेही गुणाणं च विवज्जओ। तारिसो मरणंते वि नाराहेइ संवरं ॥४१॥ 'तवं कुव्वइ मेहावी पणीयं वज्जए रसं। मज्जप्पमायविरओ तवस्सी अइउक्कसो॥४२॥ तस्स पस्सह कल्लाणं अणेगसाहुपूइयं । विउलं अत्थसंजुत्तं कित्तइस्सं सुणेह मे ॥४३॥ एवं तु गुणप्पही 'अगुणाणं विवज्जओ। तारिसो मरणंते वि आराहेइ संवरं ॥४४॥
१ अ. उदगं. २ च. आयतठ्ठी. ३ ख. सेवए. अ. स. घ. ससरक्सं. ५ ख.. पियाई एगओ. ६ ख. आयरिओ नाराहेइ. ७ ख. तेण. ८ अ. पुस्तके इमौ श्लोको व्युत्क्रमेण. पठ्येते. ९ अ. क. ख. ग. घ. अगुणाणं च विवज्जओ.
