________________
श्रीउत्तराध्ययनसूत्र]
[४५
एयमढे निसामित्ता, हेऊकारणचोइओ। तो नमी रायरिसी, देविन्दं इणमब्बवी ॥२॥ संसयं खलु सो कुणइ, जो मग्गे कुणइ घरं । जत्थेव गन्तुमिच्छेज्जा, नत्थ कुव्वेज्ज सासयं ॥२६॥ एयमढें निसामित्ता, हेऊकारणचोइ अो । तो नमि रायरिसिं, देविन्दो इणमब्बवी ॥२७॥ प्रामोसे लोमहारे य, गंठिभेए य तकरे । नगरस्स खेमं काऊणं, तो गच्छसि खत्तिया! ॥२८॥ एयमटुं निसामित्ता, हेऊकारणचोइयो । तो नमी रायरिसी, देविन्दं इणमब्बवी ॥२६॥ असई तु मणुस्ले हिं, मिच्छा दंडो पउंजए । अकारिणोऽत्थ बज्झंति, मुश्चए कारओ जणो ॥३०॥ एयमटुं निसामित्ता. हेऊकारणचोइयो। तो नमि रायरिसिं, देविन्दो इणमब्यवी ॥३॥ जे केइ पत्थिवा तुझं, नानमंति नराहिवा! वसे ते ठावइत्ताणं, तो गच्छसि खत्तिया ! ॥३२॥ एयमटुं निसामित्ता, हेऊकारणचोइयो । तो नमी रायरिसी देविंदं इणमब्बवी ॥३३॥ जो सहस्सं सहस्साणं, संगामे दुजए जिणे । एगं जिणेज्ज अप्पा, एस से परमो जो ॥३४॥ अप्पाणमेव जुज्झाहि, कि ते जुज्मेण बज्भो । अप्पणा चेव अप्पाणं, जइत्ता सुहमेहए ॥३५॥ पंचिंदियाणि कोहं, माणं मायं तहेव लोहं च । दुजयं चेव अप्पाणां, सव्वं अप्पे जिए जियं ॥३६॥ एयमढे निसामित्ता, हेऊकारणचोइओ। तो नमि रायरिसिं, देविन्दो इणमब्बवी ॥३७॥
