________________
- વિશ્વની આધ્યાત્મિક અજાયબીઓ ———છીએ. એ માટે એક ઝુંપડપટ્ટીમાંથી પસાર થઈને જતા હતા. એ જગ્યાએ એક કાળો કુતરો છે, હું એ ગલીમાં પ્રવેશું ત્યારથી જ એ ભસવાનું શરુ કરે અને છેક છેલ્લે સુધી ભસ્યા કરે. આવું ચાર-પાંચ દિવસ રોજ ચાલ્યું.
એ કરડતો ન હતો અને મને કુતરાનો કોઈ વિશેષ ભય પણ નથી. પણ ગુરુજી ! આપને એક વાત પૂછું? આ રીતે એક કુતરો સાધુને જોઈને રોજેરોજ ભસ્યા જ કરે. તો એનામાં એના સંસ્કાર પડી જ જાય ને? એ સંસ્કારને કારણે એવું પણ બને ને ?-કે આવતા ભવોમાં જ્યાં પણ એ જાય, ત્યાં જ્યારે પણ સાધુ દેખાશે, ત્યારે એમના પ્રત્યે તિરસ્કાર અને ગાળોનો વરસાદ જ વરસાવશે.
હવે જો આવું થાય તો એ ભવિષ્યના ભવોમાં સુસાધુઓનો સંપર્ક ન પામે. પરિણામે સમ્યત્વ ન પામે. દુર્લભબોધિ બને.
ગુરુજી ! આ શક્ય તો છે જ ને ? મારા નિમિત્તે એક કુતરો દુર્લભબોધિ મને, એ કેમ ચાલે ?
એટલે જ એ ટુંકા રસ્તાને છોડીને હું છેક લાંબા રસ્તેથી ફરી ફરીને ઠલ્લે જાઊં છું. એટલે જ મને ૨૦ને બદલે ૫૦ મિનિટ થાય છે.
ગુરુજી ! આપને મારા નિમિત્તે ચિંતા થઈ, એ બદલ ક્ષમા કરશો. પણ મેં આ જે કર્યું, એ ખોટું તો નથી કર્યું ને ?”
ગુરુજી આશ્ચર્યભરી આંખે આ શિષ્યને જોઈ જ રહ્યા.
(૦ આપણા નિમિત્તે કોઈ દુર્લભબોધિ બને, એ ઘણું ભયંકર પાપ છે. જો શક્ય હોય, તો આપણે એ નિમિત્ત બનતા અટકવું જોઈએ.
અંડિલ, માત્રુ પરઠવવાના નિમિત્તથી કોઈ આપણા થકી અધર્મ પામતું નથી ને ? કર્કશ ભાષા, પરસ્પરના અણબનાવાદિના કારણે આપણા થકી કોઈ અધર્મ પામતું નથી ને?
પૈસા માંગવા, પ્રોજેક્ટો માટે સંઘ ઉપર ફરજ પાડવી એ નિમિત્તે કોઈ અધર્મ પામતું નથી ને ?
શ્રાવકોને તુચ્છ ગણવા, એમને તિરસ્કારવા... વગેરે નિમિત્તે કોઈ અધર્મ પામતું નથીને?
યાદ રાખવું કે આપણા નિમિત્તે - આપણા પ્રમાદે કોઈપણ જીવ અધર્મ પામે, તો ખુદ આપણે પણ દુર્લભબોધિ બનીએ... સાવધ રહેવું ખૂબ જ જરૂરી છે.)
