Vishvani Adhyatmik Ajayabio Aapna Sadhu Sadhvio Part 03

SR No.: 022595
Original Sutra Author: N/A
Author: Gunhansvijay
Publisher: Kamal Prakashan Trust
Publication Year: 2014
Total Pages: 124
Language: Gujarati
Classification: Book_Gujarati
File Size: 19 MB

Page 64

-
વિશ્વની આધ્યાત્મિક અજાયબીઓ + • એકાસણું ન થઈ શકે એટલે સીધી નવકારશી જ ન કરવી. પણ બેસણું કે પોરિસી વગેરે કરવા. રે ! નવકારશી કરવી પડે તો પણ ત્રણ ટંકનો અભિગ્રહ લેવો. એમાં દ્રવ્યોની મર્યાદા બાંધવી.
યતના વિનાનો અપવાદ ઉન્માર્ગ બની જવાની, દુર્ગતિકારક બનવાની પાકી શક્યતા છે.)
નિઃસ્પૃહતા એક શ્રાવકની, શાસ્ત્રાનુસારિતા એક આચાર્યદેવની !
વિ.સં. ૨૦૬૩માં ધર્મનગરી સુરત મુકામે પરમપવિત્ર ઉપધાનતપની આરાધનાના મંડાણ થયા. સ્થળ હતું પૂ.પાદ રામસૂરીશ્વરજી ડહેલાવાળાના અગ્નિદાહથી પવિત્ર થયેલ રામપાવનભૂમિ ! નિશ્રા હતી સાગરસમુદાયના એક સંયમી આચાર્યદેવની !
આશરે ૨૦૦ જેટલા આરાધકો ઉપધાન તપમાં જોડાયા હતા.
આમાં આંખે ઊડીને વળગે એવી મહત્ત્વની બાબત એ હતી કે એ આખાય ઉપધાનતપનો સંપૂર્ણ લાભ માત્ર એક ભાઈએ જ લીધો હતો. લાખો રૂપિયા ધર્મમાર્ગે ખરચવા છતાં પણ આશ્ચર્ય તો એ વાતનું હતું કે એ પોતાનું નામ જાહેર કરવા તૈયાર ન હતા. બધુ ગુપ્ત રીતે કરવા ઈચ્છતા હતા અને ખરેખર એમ જ થયું.
માત્ર આચાર્યદેવ અને કેટલાક મુખ્ય કાર્યકરોને જ આ વાતની ખબર હતી કે “કોણ વ્યક્તિ આ બધો લાભ લઈ રહી છે” બાકી એ સિવાય સેંકડો આરાધકો વગેરેને તો આજ દિન સુધી પણ એ ખબર નથી પડી કે “કોણે આ ઉપધાન કરાવ્યા છે.” છેલ્લે માળનો દિવસ આવ્યો, ત્યારે આ ભાઈ પોતાના આખા પરિવાર સહિત એ પ્રસંગમાં ઉપસ્થિત રહ્યા, કેમકે પોતે કરેલા સુકૃતની અનુમોદના કરવાનો એ અપૂર્વ લ્હાવો હતો. પણ એ પણ માત્ર પ્રેક્ષક તરીકે, સભાસદ તરીકે ઉપસ્થિત થયા. અતિથિવિશેષ રૂપે કે અન્ય વિશેષ કોઈપણ સ્વરૂપે નહિ.
કર્મઠ કાર્યકરો આજે પણ એ શ્રાવકની ઉદારતા અને એ કરતાય વધુ ઊંચી નામનિઃસ્પૃહતાના વખાણ કરતા થાકતા નથી.
એમાં કુલ ૫૦ લાખ રૂા. જેટલી દેવદ્રવ્યની ઉપજ થઈ. નિશ્રાદાતા આચાર્યદેવે કમાલ કરી. જે જે સંઘોમાં નૂતન દેરાસર, જીર્ણોદ્ધાર વગેરે માટે દેવદ્રવ્યની જરૂર હતી એ બધા સંઘોને બોલાવડાવ્યા,ઉપધાનસમિતિને સમ્યગુ માર્ગદર્શન આપી કબુલ કરાવ્યું કે “આ ઉપજના પૈસા રાખી મુકવા નહિ, પણ જરૂરિયાત હોય ત્યાં તરત જ વાપરી નાંખવા.” અને અઠવાડિયામાં તો ૪૫-૪૭ લાખ રૂ.ની વ્યવસ્થિત વહેંચણી પણ થઈ ગઈ. | વહીવટકર્તાઓ પ્રશંસા કરે છે કે “આચાર્યદેવની પ્રેરણાથી કેટલાક તીર્થોના કામ ચાલુ છે. છતાં આચાર્યદેવે પોતાના માર્ગદર્શન હેઠળ તૈયાર થતા તીર્થો માટે આ રકમની માંગણી સુદ્ધા પણ ન કરી. ઉલ્ટે નાના નાના સંઘોને યાદ કરી એમની આવશ્યક્તા પૂરી કરવા તરફ ધ્યાન આપ્યું.